Presencia-Opinión / Estados Unidos  
|
||||||||
| Obama no día despois Xosé Luís Franco Grande (A Nosa Terra, 08/11/2010) |
||||||||
|
||||||||
|
Non hai a menor dúbida: Obama recibiu un bo tirón de orellas, como era esperado. Pero tamén haberá que ter moi claro que as eleccións non foron gañadas polo Partido Republicano senón pola economía e o alto desemprego. Por iso moitos analistas pensan que non houbo viraxe para a dereita. ¿Pode gobernar Obama, isto é, levar adiante o seu programa de pequenas reformas tendo unha tan clara minoría na cámara de representantes? Hai tamén analistas que pensan que, deica agora, o partido da oposición se limitou a dicir non a todo, cousa que en diante non poderá facer porque agora ten responsabilidades de goberno. É certo que, tendo en conta a maioría que os republicanos conseguiron, ben poderían paralizar o Goberno. Iso, din outros analistas, non o quere a maioría dos demais partidos, que o que desexan é un goberno de traballo que dea seguridade para a xubilación, protección dos consumidores, investimentos en infraestruturas, pero non baixar impostos aos ricos, subsidios para certas empresas ou privatización da Seguridade Social. Tamén se di que pode que a política económica de Obama non teña sido agresiva dabondo diante de intereses moi fortes e ben asentados. Agora terá que ter moi presente que nos últimos trinta anos quedaron conxelados os ingresos dos traballadores e da clase media mentres que os do 1 por 100 dos máis ricos creceron nunha porcentaxe astronómica. Terá que explicar tamén algo moi importante: por que fracasaron, e van seguir fracasando, as políticas conservadoras. Non é tan difícil explicalo con claridade. |
||||||||
|
Xosé Luís Franco Grande é escritor. |
||||||||
|
|
||||||||
|
 Instituto Galego de Análise e Documentación Internacional www.igadi.org ÚLTIMA REVISIÓN: 11/11/2010
|
||||||||
|
||||||||
