Presenza-Opinión / Europa

Descubrir o Mediterráneo Xosé Luís Franco Grande (A Nosa Terra, 20/03/2008)

Unha das teimas de Sarkozy é a Unión Mediterránea, ou sexa, crear unha unión para reagrupar aos países da ribeira do Mare Nóstrum. Unha idea que, ao parecer, provén do seu conselleiro Henri Guaino (na foto), pero que el se apropiou e á que recorre, conforme din os mal pensados, cando ten un problema que quixera que os franceses esquezan.   Unha das teimas de Sarkozy é a Unión Mediterránea, ou sexa, crear unha unión para reagrupar aos países da ribeira do Mare Nóstrum. Unha idea que, ao parecer, provén do seu conselleiro Henri Guaino, pero que el se apropiou e á que recorre, conforme din os mal pensados, cando ten un problema que quixera que os franceses esquezan. A Ánxela Merkel non lle atrae a idea por varias razóns, entre elas, porque esta pensa que a Europa do Norte quedaría mirando para o Este e a do Sur para o Magreb, co que se minaría a cohesión europea. E porque Alemaña, principal contribuínte para o orzamento europeo, non quere financiar o proxecto de Sarkozy. Merkel conseguiu que este quedase en pouco máis que en manter os vinte e sete unha boa veciñanza cos ribeiráns mediterráneos. De que Unión Mediterránea se pode falar cando nin sequera se tomou en consideración o rol que nela podería xogar o conflicto de Palestina e Israel ou os países totalitarios dunha beira fronte aos democráticos da outra? É dubidoso que poida crer Sarkozy nese seu proxecto, e semella máis racional pensar que lle vén moi ben sacalo de lonxe en lonxe aos medios para mellor distraer aos franceses do seu obsesivo “pouvoir d’achat” e tantos outros problemas que realmente viven como tales. Pero, caso curioso, a moitos franceses empeza a gustarlles –na prensa francesa xa apareceu máis dun artigo defendéndoa– a idea dunha concentración franco alemana para promover un proxecto europeo. O dubidoso é, por riba de todo, se tal cousa pode ter a consideración de proxecto europeo.

Xosé Luís Franco Grande é escritor.

Instituto Galego de Análise e Documentación Internacional www.igadi.org ÚLTIMA REVISIÓN: 13/04/2008 Fernando Pol

Subscríbete á lista de correo do Igadi e recibe notificación das novas informacións, artigos, documentos, convenios, publicacións, etc, que ofrece o Igadi na súa páxina web Igadi na Rede. Para comprender o Mundo desde aquí ... ... para proxectar a Galicia no contexto internacional.     Apúntate en: http://www.elistas.net/lista/igadi/alta