Presenza-Opinión / Europa

Tentacións de Sarkozy Por Xosé Luís Franco Grande (La Voz de Galicia, 04/06/2007)

Os sindicatos, a esquerda, ONGs, ou a antiga xuíz Eva Joly (na foto), temen unha berlusconización de Francia e póñense á espreita: falan xa dunha “nova era abafante” para a información, e chaman a “manterse vixiantes” e a “resistir as presións” para non ir parar nunha democracia ferida de morte. (Foto: ©Nina Aldin Thune).   Empeza a sentirse un proído nalgúns sectores da sociedade francesa por mor dalgunhas decisións de Sarkozy en relación cos medios. Non é cousa boa, pensan algúns, a súa estreita amizade co cumio do poder mediático, como proban os recentes nomeamentos para a dirección de TF1, para o Elíseo e Matignon. Os sindicatos, a esquerda, ONGs, ou a antiga xuíz Eva Joly, temen unha berlusconización de Francia e póñense á espreita: falan xa dunha “nova era abafante” para a información, e chaman a “manterse vixiantes” e a “resistir as presións” para non ir parar nunha democracia ferida de morte. Unha berlusconización é algo pouco probable en Francia; tampouco é dono Sarkozy dos principais medios franceses, como é Berlusconi dos italianos. Pero a voz de alarma está dada: como probado neocon que é, o presidente francés xa se ve que non dubida en actuar como tal. Por iso fan ben as forzas sociais en estar vixiantes e dispostas a non deixarlle pasar unha. Porque nesas tentacións xa se ve que está caendo o novo presidente.

Xosé Luís Franco Grande é escritor.

Instituto Galego de Análise e Documentación Internacional www.igadi.org ÚLTIMA REVISIÓN: 16/06/2007 Fernando Pol

Subscríbete á lista de correo do Igadi e recibe notificación das novas informacións, artigos, documentos, convenios, publicacións, etc, que ofrece o Igadi na súa páxina web Igadi na Rede. Para comprender o Mundo desde aquí ... ... para proxectar a Galicia no contexto internacional.     Apúntate en: http://www.elistas.net/lista/igadi/alta