Presenza-Opinión / Europa

Sarkozy aclárase Por Xosé Luís Franco Grande (La Voz de Galicia, 16/07/2007)

Como dixo Didier Migaud, que preside a comisión de finanzas da Asemblea, só a unha minoría van beneficiar e, ademais, é un dispositivo custoso e ineficaz.   A PROFECÍA que fixemos no seu día estaba ao alcance de calquera: as promesas de Sarkozy de rebaixar impostos só ían en beneficio dos que máis teñen, polo que afectarán a poucos. Pero, en euros, a rebaixa pode ser moi significativa nun momento en que as contas públicas francesas están moi degradadas. Como dixo Didier Migaud, que preside a comisión de finanzas da Asemblea, só a unha minoría van beneficiar e, ademais, é un dispositivo custoso e ineficaz. E que dicir desa “unión mediterránea”, que xa a prensa gala, con razón, empeza a alcumar de quimérica? Unha vez máis, un nacionalismo do máis reseso. Unha e outra cousa teñen moito de fraude: no caso dos impostos progresivos –imposto de solidariedade sobre a fortuna (ISF)–, a cousa é clara: a rebaixa só vai afectar ás grandes fortunas; e no suposto da “unión mediterránea”, abonda con botar unha ollada ao mapa: países autocráticos a unha banda e democráticos a outra. Sempre pensei que os franceses terían moito máis sentido crítico. Pero hai que poñelo en dúbida.

Xosé Luís Franco Grande é escritor.

Instituto Galego de Análise e Documentación Internacional www.igadi.org ÚLTIMA REVISIÓN: 17/07/2007 Fernando Pol

Subscríbete á lista de correo do Igadi e recibe notificación das novas informacións, artigos, documentos, convenios, publicacións, etc, que ofrece o Igadi na súa páxina web Igadi na Rede. Para comprender o Mundo desde aquí ... ... para proxectar a Galicia no contexto internacional.     Apúntate en: http://www.elistas.net/lista/igadi/alta