Presencia-Opinión / Estados Unidos

O veto de Bush Por Xosé Luís Franco Grande (La Voz de Galicia, 29/05/2007)

Pouco importa a Bush o fracaso da súa política ou que cada día haxa máis partidarios de saír de Iraq ou máis soldados mortos. O que importa é acomodar a realidade ao dogma, aos elementais esquemas dos que verdadeiramente mandan. E que, como tales, son un perigo para o país e para o mundo. (Foto: Monumento en memoria aos soldados mortos en Iraq na Praia de Santa Mónica en California).   A ninguén lle debera estrañar o veto de Bush ao acordo dos representantes do pobo de EEUU na procura dun fin certo para a guerra de Iraq. É unha actitude moi coherente coas ideas que os neocons teñen do que é e do que debe ser a política, e que algúns pensan que foron aprendidas en Leo Strauss. Sexa esa a fonte ou non –Wolfowitz foi discípulo de Strauss, pero outros moitos non pasan do primitivismo de Bloom–, é claro que a democracia non lle vai a Bush nin aos do seu arredor. A teoría schmittiana do golpe de estado permanente –poder executivo forte, lexislativo á marxe e submisión do xudicial– é o soño neocons. Pouco importa a Bush o fracaso da súa política ou que cada día haxa máis partidarios de saír de Iraq ou máis soldados mortos. O que importa é acomodar a realidade ao dogma, aos elementais esquemas dos que verdadeiramente mandan. E que, como tales, son un perigo para o país e para o mundo. Xa o veredes: imos ser vítimas, xa o somos, dun novo dogmatismo redentor. Pero do que, unha vez máis, nos teremos que redimir.

Xosé Luís Franco Grande é escritor.

Instituto Galego de Análise e Documentación Internacional www.igadi.org ÚLTIMA REVISIÓN: 16/06/2007 Fernando Pol

Subscríbete á lista de correo do Igadi e recibe notificación das novas informacións, artigos, documentos, convenios, publicacións, etc, que ofrece o Igadi na súa páxina web Igadi na Rede. Para comprender o Mundo desde aquí ... ... para proxectar a Galicia no contexto internacional.     Apúntate en: http://www.elistas.net/lista/igadi/alta