Presenza-Opinión / Oriente Medio

Negras páxinas Por Xosé Luís Franco Grande (La Voz de Galicia, 28/10/2007)

Hai dous terrorismos: os que están vencellados ás milicias xiitas de partidos pro iranios e aliados dos EEUU, que son os que están no Goberno, e os de Al Qaeda, infiltrados por Irán. (Foto: Soldados de EEUU arrestan iraquíes en Baquba o 28 de outubro de 2007).   Nunhas manifestacións a “La Vanguardia”, o responsable da resistencia iraquí vén confirmar o que por outros camiños se sabía: que a resistencia condena o terrorismo, que refuga o asasinato de iraquís, que loita polos dereitos do pobo iraquí. E, á par, que o terrorismo veu coa invasión, pois antes dela non había Al Qaeda, nin milicias, nin escuadróns da morte, nin asasinatos, nin secuestros. A actual destrución de infraestruturas, roubo de diñeiro, enfrontamentos sectarios, todo é produto da ocupación. Hai dous terrorismos: os que están vencellados ás milicias xiitas de partidos pro iranios e aliados dos EEUU, que son os que están no Goberno, e os de Al Qaeda, infiltrados por Irán. Na resistencia, ademais, militan xuntos kurdos, árabes e turcománs; cristiáns, sunnitas e xiitas. O que nada ten que ver co que cada día nos trata de debuxar a prensa dominada polos ocupantes e polo lobby israelí dos EEUU. E explica mellor o que pensamos que en realidade está pasando naquel asoballado país. Pois a imaxe que nos transmiten os primeiros é dunha tolería sen sentido e non cadra co que sabemos sobre a pacífica convivencia entre as distintas confesións iraquís, feito do que non temos dúbidas. Ten moito sentido o que di Abu Mohamed, nome de guerra do responsable da resistencia, de que Bush humillou aos EEUU no Iraq. É certo, pero eu aínda diría máis: que a humillada foi toda a especie humana, como se a forzase a recuar na súa evolución cultural.

Xosé Luís Franco Grande é escritor.

Instituto Galego de Análise e Documentación Internacional www.igadi.org ÚLTIMA REVISIÓN: 05/11/2007 Fernando Pol

Subscríbete á lista de correo do Igadi e recibe notificación das novas informacións, artigos, documentos, convenios, publicacións, etc, que ofrece o Igadi na súa páxina web Igadi na Rede. Para comprender o Mundo desde aquí ... ... para proxectar a Galicia no contexto internacional.     Apúntate en: http://www.elistas.net/lista/igadi/alta