Presencia-Opinión / Outros

Novos mercenarios Por Xosé Luís Franco Grande (La Voz de Galicia, 03/07/2006)

Só no Iraq pasan de 25.000 axentes, polo que veñen ser a segunda forza de ocupación, por diante do exército británico. As peores violacións dos dereitos humanos proveñen destes novos mercenarios, que nunca se soubo que fosen obxecto de procedementos xudiciais, e ás sociedades que os empregan sempre se lle anovaron os seus contratos.   Mercenarios houbo sempre, ao menos ata o século pasado. Pero a guerra, en Afganistán e no Iraq, produciu unha privatización crecente, con contratos de contía astronómica, poñendo en mans privadas, e ás veces fóra de todo control, funcións como os interrogatorios dos detidos e outras operacións policiais. Só no Iraq pasan de 25.000 axentes, polo que veñen ser a segunda forza de ocupación, por diante do exército británico. As peores violacións dos dereitos humanos proveñen destes novos mercenarios, que nunca se soubo que fosen obxecto de procedementos xudiciais, e ás sociedades que os empregan sempre se lle anovaron os seus contratos. Aos ocupantes non lles convén render contas a ninguén sobre dereitos humanos. Prefiren manter espazos libres de toda norma seguindo a doutrina de Bush, agora invalidada polo Tribunal Supremo, unha vez máis, isto é, a súa obsesión en salientar suposta seguridade sobre liberdade, e estimando que, por iso, son boas e axustadas a dereito as súas decisións. Hitler tamén pensaba así.

Xosé Luís Franco Grande é escritor.

Instituto Galego de Análise e Documentación Internacional www.igadi.org ÚLTIMA REVISIÓN: 08/07/2006 Fernando Pol

Subscríbete á lista de correo do Igadi e recibe notificación das novas informacións, artigos, documentos, convenios, publicacións, etc, que ofrece o Igadi na súa páxina web Igadi na Rede. Para comprender o Mundo desde aquí ... ... para proxectar a Galicia no contexto internacional.     Apúntate en: http://www.elistas.net/lista/igadi/alta