Presenza-Opinión / Oriente Medio

Irán e Siria contan Por Xosé Luís Franco Grande (La Voz de Galicia, 04/12/2006)

Irán, sobre todo, non ten présa: sabe que ter as tropas invasoras en Iraq é a mellor garantía para, no suposto dun ataque ás súas instalacións nucleares, responder con toda a contundencia que lle sexa posible. (Foto: Os presidentes de Iraq e Irán, Jalal Talabani [á esquerda na foto] e Mahmoud Ahmadinejad, durante un encontro en Teherán o 27 de novembro de 2006).   No caso dunha saída urxente de Iraq, EEUU arríscase a un novo fracaso: nin Siria nin Irán van regalar a súa axuda. Pois vanlle poñer prezo esixindo que desaparezan para sempre da lista de países do “eixo do mal”, Irán quererá garantías para seguir co seu programa nuclear e Siria os Altos do Golán e cooperación comercial. Os dous van esixir que EEUU recoñeza o seu absoluto fracaso militar en Iraq. Irán, sobre todo, non ten présa: sabe que ter as tropas invasoras en Iraq é a mellor garantía para, no suposto dun ataque ás súas instalacións nucleares, responder con toda a contundencia que lle sexa posible. Despois de crear tantas dificultades a eses dous países, EEUU precisa agora da súa axuda para retirarse con certa dignidade. Ao custe militar e económico pode sumarse aínda un custe político de insospeitadas proporcións polas esixencias que van poñer sobre a mesa aqueles dous países con tanta influencia no país veciño. Destruír calquera o fai, pero para construír ao menos cómpre ter ideas.

Xosé Luís Franco Grande é escritor.

Instituto Galego de Análise e Documentación Internacional www.igadi.org ÚLTIMA REVISIÓN: 04/12/2006 Fernando Pol

Subscríbete á lista de correo do Igadi e recibe notificación das novas informacións, artigos, documentos, convenios, publicacións, etc, que ofrece o Igadi na súa páxina web Igadi na Rede. Para comprender o Mundo desde aquí ... ... para proxectar a Galicia no contexto internacional.     Apúntate en: http://www.elistas.net/lista/igadi/alta