Presencia-Opinión / Outros

Baixo sospeita Por Xosé Luís Franco Grande (La Voz de Galicia, 26/06/2006)

É lóxico que o senador demócrata, Patrick Leahy, dixera que “cómpre saber que está facendo o noso goberno para espiar aos estadounidenses”.   Son moitas irregularidades xuntas: voos secretos de avións da CIA, torturas sen control e ao abeiro de decisións presidenciais tamén sen control, espionaxe telefónico, limbos legais, espionaxe económico... Unha democracia onde tal ocorre non pode estar senón baixo permanente sospeita. É lóxico que o senador demócrata, Patrick Leahy, dixera que “cómpre saber que está facendo o noso goberno para espiar aos estadounidenses”. As explicacións de Cheney, e outros, non dan razóns e só se limitan a dicir que as decisións son legais porque non tenden máis que a mirar pola seguridade dos cidadáns. Primeiro creouse o medo e logo a inseguridade. E a xente creu no primeiro e acreditou na segunda. E xustifica calquera medida se os libera de ámbolos dous. Pero unha democracia baixo sospeita pode chegar a ser dubidosa. E se esas medidas seguen, á parte do efecto dominó que ao cabo teñen, é claro que o risco de golpe de estado permanente é un feito. E a democracia, que tanto ten custado e custa ir construíndo, vai recuar.

Xosé Luís Franco Grande é escritor.

Instituto Galego de Análise e Documentación Internacional www.igadi.org ÚLTIMA REVISIÓN: 29/06/2006 Fernando Pol

Subscríbete á lista de correo do Igadi e recibe notificación das novas informacións, artigos, documentos, convenios, publicacións, etc, que ofrece o Igadi na súa páxina web Igadi na Rede. Para comprender o Mundo desde aquí ... ... para proxectar a Galicia no contexto internacional.     Apúntate en: http://www.elistas.net/lista/igadi/alta