Presenza-Opinión / Oriente Medio

Al-Zarqaui non existe Por Xosé Luís Franco Grande (A Nosa Terra, 08/06/2006)

Hai analistas que pensan que as bombas que están matando a tantos civís iraquís poden estar postas por axentes da intelixencia británica ou estadounidense –e ao mellor iraniana– máis ben que por al-Zaqaui. A proba chegou, din, coa detención de dous axentes británicos que foron presos cando colocaban explosivos nunha rúa de Basora: a ocupación non estaría lonxe de moitas operacións cuxo obxectivo é provocar a sedición e a desorde, o que daría xustificación aos ocupantes para permanecer no Iraq todo o tempo que lles pete (Mike Whitney). (Foto: Fotograma do vídeo de Al-Zarqaui difundido o 25 de abril de 2006 a través dunha páxina web).   Iso é o que moi ben pode ser certo á vista de certas informacións, de feitos que merecen credibilidade e de consecuencias lóxicas ás que se pode chegar ao abeiro daquelas e destes. Ao parecer –as informacións hainas ao chou na rede– son os EEUU os primeiros en desexar que ese personaxe exista, facer propaganda del e que ninguén dubide da súa existencia. ¿Sentido do humor no Pentágono? Moitos pensan que al-Zarqaui está morto. Os seus familiares fixénrolle as correspondentes honras fúnebres. E hai serias dúbidas de que se lle poidan apoñer, debido a certas limitacións físicas, os feitos novelescos ou disparatados que se lle veñen atribuíndo. En resume: sería un invento do Pentágono para xustificar aos carniceiros dos escuadróns da morte que, con asesoramento dos invasores e ao abeiro do Ministerio do Interior, están esnaquizando o país. As cousas complícanse, ademais, se pensamos –e disto si que non hai dúbida– que Iran está infiltrado nos servizos iraquís de intelixencia, ou nas actividades de comandos, á parte do control que ten das prisións, dez delas polo menos. E que aos EEUU non lle parece mal, por canto uns e outros teñen un mesmo obxectivo: acabar coa oposición sunita, verdadeiro quebracabezas para os dous, aínda que por motivos distintos. Non hai dúbida de que Irán é o principal beneficiado desta barbarie, ou polo menos un máis. E tampouco de que esa actividade convén moito aos EEUU. Por iso nada ten de estraño que teñan chegado a un entendemento. O que explicaría tamén a absoluta impunidade das carniceiras milicias Badr, que instauraron un réxime de terror pode que superior ao traído polo invasores antes de que esas milicias, en realidade escuadróns da morte, empezasen a actuar. Hai analistas que pensan que as bombas que están matando a tantos civís iraquís poden estar postas por axentes da intelixencia británica ou estadounidense –e ao mellor iraniana– máis ben que por al-Zaqaui. A proba chegou, din, coa detención de dous axentes británicos que foron presos cando colocaban explosivos nunha rúa de Basora: a ocupación non estaría lonxe de moitas operacións cuxo obxectivo é provocar a sedición e a desorde, o que daría xustificación aos ocupantes para permanecer no Iraq todo o tempo que lles pete (Mike Whitney).

Xosé Luís Franco Grande é escritor.

Instituto Galego de Análise e Documentación Internacional www.igadi.org ÚLTIMA REVISIÓN: 15/06/2006 Fernando Pol

Subscríbete á lista de correo do Igadi e recibe notificación das novas informacións, artigos, documentos, convenios, publicacións, etc, que ofrece o Igadi na súa páxina web Igadi na Rede. Para comprender o Mundo desde aquí ... ... para proxectar a Galicia no contexto internacional.     Apúntate en: http://www.elistas.net/lista/igadi/alta