Presenza-Opinión/ Europa

Londres 7-X Por Xosé Luis Franco Grande (La Voz de Galicia, 11/07/2005)

Blair xa tivo, e penso que a segue tendo, a tentación de vender seguridade por liberdade, como os seus amigos neocons, a pesares dunha exemplar resolución dos lores. Quero pensar que alguén haberá que lle faga ver que tal cousa sería o mellor triunfo dos terroristas e o total fracaso dos nosos valores.   Tres cousas están claras e as tres non lle dan a razón a Blair: non atacan os terroristas o que el chamou “os nosos valores”, senón a un país que axudou a levar morte, asoballamento e desespero a miles de mulleres, nenos e civís que a hipocrisía agocha baixo o eufemismo de “danos colaterais”. Atacan a un país que invadiu outro país contra toda norma de dereito internacional, que torturou e tortura ao seu pobo, e que contribuíu a que o uranio empobrecido mate e siga matando no Próximo Oriente para máis alá de mil anos e cree malformacións nos que en todo ese tempo veñan ao mundo. E a terceira cousa é que a policía ten que poñerse ao día, que xa se ve que non o está, para combater o novo terrorismo. Blair xa tivo, e penso que a segue tendo, a tentación de vender seguridade por liberdade, como os seus amigos neocons, a pesares dunha exemplar resolución dos lores. Quero pensar que alguén haberá que lle faga ver que tal cousa sería o mellor triunfo dos terroristas e o total fracaso dos nosos valores.

Xosé Luis Franco Grande é escritor.

Instituto Galego de Análise e Documentación Internacional www.igadi.org ÚLTIMA REVISIÓN: 13/07/2005 Fernando Pol