Tempo Exterior nº7 - Inverno/98-99

Libros

“Cuba: independencia e revolución”
Laudelino Pellitero, Carlos Méixome e Xulio Ríos (Textos Internacionais - Edicións do Cumio)

Orfa dende a desaparición do “mundo socialista”, Cuba vive as vésperas dun cambio inevitable. As reformas que deron vida á política de resistencia dos últimos anos evidenciaron tanto as súas posibilidades como as limitacións. O balance é contradictorio e escasamente ilusionante. Por difícil que resulte, os dirixentes cubanos deben imaxinar o perfil dun novo modelo capaz de garantir as conquistas sociais da Revolución, a independencia nacional e introducir maiores niveis de democracia política. O estancamento conduciría o proceso político cubano a un agravamento crítico de consecuencias imprevisibles.

Este traballo repasa as condicionantes físicas, xeográficas, da illa caribeña; o seu devalar pola Historia e a dependencia colonial, as transformacións económicas e sociais emanadas da Revolución e as súas consecuencias para América Latina; e procura respostas ao dilema dun futuro estable e xusto para Cuba.

Internet

“En Foco”, nova sección na Rede
Dende a nosa páxina web Igadi na Rede (www.arrakis.es/~igadi), este novo epígrafe pretende facilitar o acceso directo a diversos links que abordan unha problemática de actualidade, dun xeito plural. Kosovo, Euro e Iraq son os primeiros apartados desta nova sección. Igualmente contamos xa coa posibilidade dunha “lista de correo” de xeito que todas as persoas que o soliciten automaticamente recibirán información puntual das novidades que se vaian incorporando ás diferentes seccións da nosa páxina e dos cambios que se operen na estructura interna do IGADI e/ou no seu funcionamento (nova clasificación da hemeroteca a partir do 1 de xaneiro de 1999).

Actividades