Número 74 - 18 de abril de 2005

Sumario				Núm anteriores
		Excelente acollida do Programa “Vacacións con traballo”			nº 073 - 04/03/2005 nº 072 - 15/02/2005 nº 071 - 24/01/2005 nº 070 - 09/12/2004 nº 069 - 15/11/2004 nº 068 - 18/10/2004 nº 067 - 01/10/2004 nº 066 - 17/08/2004 nº 065 - 12/07/2004 nº 064 - 28/06/2004 nº 063 - 20/05/2004 nº 062 - 10/05/2004 nº 061 - 05/04/2004 nº 060 - 08/03/2004 nº 059 - 09/02/2004 nº 058 - 15/01/2004 ...
		II Premio “Por un mundo máis xusto faite solidario/a”
		A Deputación de Ourense co Fondo
		Novas adhesións
		Avanzando na normalización do pago das cotas
		O Concello de Moaña conta cun novo vínculo solidario na súa web
		Finalizan as primeiras reunións itinerantes da Rede Solidaria
		A Exposición “Os Obxectivos do Milenio”
		Actividades con motivo do X Aniversario da Confederación
		Guatemala: próximo destino do programa PHDL
		Mapa de socios do Fondo Galego

Excelente acollida do Programa “Vacacións con traballo”

As reunións da Rede Municipalista Solidaria foron o escenario escollido para a presentación do Programa “Vacacións con Traballo: Servidores públicos ao servizo dos países do Sur”. Este programa, dirixido ao persoal técnico da administración local galega, tivo unha excelente acollida entre os compoñentes da Rede. “Vacacións con traballo” nace co desexo de avanzar na construción dun modelo de cooperación local galega máis comprometido no apoio ás estratexias de desenvolvemento económico, técnico e humano do Sur, e deste xeito, contribuír á mellora da capacitación técnica dos especialistas das nosas contrapartes e propiciar un intercambio formativo entre ambos. A formulación deste programa tamén nos permite canalizar as inquedanzas solidarias da cidadanía. Os países de destino dos nosos servidores públicos este primeiro ano serán: Cabo Verde e Nicaragua.

II Premio “Por un mundo máis xusto faite solidario/a”

Rematou o prazo da convocatoria da segunda edición do premio: “Por un mundo máis xusto faite solidario/a” baixo o lema “Os Obxectivos do Milenio”. Promover un maior coñecemento da Declaración do Milenio é un dos resultados esperados. O xurado do premio estará composto por cinco membros pertencentes ás seguintes institucións: Fondo Galego, Real Academia Galega, Consello da Cultura Galega e Asociación de Escritores en Lingua Galega. Actuará de secretario, con voz pero sen voto, o director do Igadi. Nesta edición participaron mozos e mozas de centros escolares de toda Galicia. O concurso suscitou un grande interese por parte dos centros de Educación Secundaria arredor da Declaración do Milenio.

A Deputación de Ourense co Fondo

A colaboración da Deputación de Ourense co Fondo Galego incrementouse nestes últimos meses. O alto nivel de sintonía da Deputación co traballo desenvolvido polo Fondo concretouse nun forte respaldo por parte da Deputación alentando a tódolos concellos da provincia a sumarse ao proxecto do Fondo Galego, contribuíndo así a incrementar a base asociativa nesta provincia. Por outra banda, e co fin de apoiar ás vítimas do tsunami, a Deputación de Ourense acordou facer un ingreso de 12.000€ na conta de Emerxencia do Fondo Galego para o proxecto Artsunami de prevención e de reconstrución en Sri Lanka, o cal se está a desenvolver en colaboración co PNUD.

Novas adhesións

No mes de marzo, o Concello de Verín entrou a formar parte do Fondo Galego de Cooperación e Solidariedade.

Avanzando na normalización do pago das cotas

Os concellos asociados continúan adiantando as cotas correspondentes ao exercicio de 2005. Aos concellos de Caldas de Reis, Carballo, Rianxo, Rodeiro, Pontecesures, Poio, Soutomaior, Cabanas, Betanzos, Lousame e Arteixo, sumáronse Cerceda, Gondomar, O Irixo, Oleiros, Samos, Santiago de Compostela e a Deputación de Pontevedra, o que representa máis dun 25% dos socios.

O Concello de Moaña conta cun novo vínculo solidario na súa web

Dende o mes de marzo os habitantes de Moaña poden acceder á información do Fondo Galego directamente dende www.concellodemoana.org, a páxina do seu Concello. O Fondo Galego anima aos concellos que dispoñen de páxina web a engadir o enlace do Fondo (www.igadi.org/fondogalego). Con esta iniciativa contribuímos a unha maior visibilidade do Fondo.

Finalizan as primeiras reunións itinerantes da Rede Solidaria

O 12 de abril celebrouse a última xuntanza das primeiras reunións itinerantes da Rede Municipalista Solidaria do 2005 no Concello de Lugo. A participación e o interese que suscitan estas reunións entre os concellos socios cada vez é maior. Isto permítenos unha presenza real na axenda municipal galega e identificar novos instrumentos de aproximación entre o Fondo e os concellos para avanzar na consolidación do compromiso co mundo da solidariedade.

A Exposición “Os Obxectivos do Milenio”

Dende primeiros de xaneiro varios institutos de Ensino Secundario solicitaron ao Fondo Galego a exposición “Os Obxectivos do Milenio”. Esta exposición, que foi realizada pola Asociación para as Nacións Unidas e o Igadi (Instituto Galego de Análise e Documentación Internacional), contando coa colaboración da Xunta de Galicia, está servindo de vehículo para introducir aos escolares galegos nos contidos da Declaración do Milenio.

Actividades con motivo do X Aniversario da Confederación

A Confederación de Fondos conmemorará o seu X Aniversario en Palma de Mallorca, no marco das Xornadas de Redes Europeas. Concellos de Holanda, Francia, Italia, Grecia, Portugal, Alemaña abordarán conxuntamente cos Fondos de Cooperación, a situación da cooperación descentralizada en Europa os días 19 e 20 de setembro. Coñecer as experiencias de proxectos innovadores e as propostas en relación á vertebración das redes serán algúns dos temas a tratar nos obradoiros de traballo. Os destinatarios das xornadas identifícanse tanto no perfil técnico como político. Asemade, participarán representantes da AECI, do PNUD, da Comisión de Desenvolvemento do Parlamento Europeo e da Rede Europea de Concellos pola Paz en Oriente Próximo e FAL. A conferencia inaugural correrá a cargo da profesora Vanna Ianni, da Universidade de Nápoles, experta en cooperación descentralizada e desenvolvemento participativo. Co obxectivo de establecer as bases para un traballo coordinado e co fin de desenvolver unha estratexia común ante as institucións multilaterais agárdase presentar a declaración de intencións que recolla os acordos e deliberacións das xornadas.

Guatemala: próximo destino do programa PHDL

A Confederación de Fondos acordou, na reunión técnica celebrada o día 11 de abril en Barcelona, o deseño dun programa conxunto en Guatemala no marco do programa PHDL. Impulsar o desenvolvemento humano a partires dos espazos de participación local é un dos eixes de traballo deste programa de Nacións Unidas. Novamente, como acontece no desenvolvemento do Programa Artsunami en Sri Lanka visualízase como aliados aos Fondos de Cooperación.

Mapa de socios do Fondo Galego

A Coruña Lugo Ourense Pontevedra Deputación Guitiriz Deputación Deputación A Coruña Lugo Allariz A Cañiza A Pobra do Caramiñal Mondoñedo Manzaneda A Estrada Ames Monforte O Barco A Guarda Arteixo Samos O Irixo Baiona As Pontes Sarria Ourense Bueu Bergondo   Ribadavia Caldas de Reis Betanzos   Verín Cangas Boiro   Vilar de Santos Cuntis Brión     Gondomar Cabanas     Moaña Cambre     Mos Carballo     Nigrán Carral     O Porriño Cedeira     O Rosal Cerceda     Poio Culleredo     Pontecesures Fene     Pontevedra Ferrol     Redondela Lousame     Rodeiro Mugardos - - Soutomaior Narón - - Vigo Neda     Vilagarcía de Arousa Noia - Oleiros Outes Pontedeume Porto do Son Rianxo Sada Santiago

Números anteriores: ... 057 / 056 / 055 / 054 / 053 / 052 / 051 / 050 / 049 / 048 / 047 / 046 / 045 / 044 / 043 / 042 / 041 / 040 / 039 / 038 / 037 / 036 / 035 / 034 / 033 / 032 / 031 / 030 / 029 / 028 / 027 / 026 / 025 / 024 / 023 / 022 / 021 / 020 / 019 / 018 / 017 / 016 / 015 / 014 / 013 / 012 / 011 / 010 / 009 / 008 / 007 / 006 / 005 / 004 / 003 / 002 / 001

Instituto Galego de Análise e Documentación Internacional www.igadi.org ÚLTIMA REVISIÓN: 24/04/2005 Fernando Pol