Número 73 - 4 de marzo de 2005

Sumario				Núm anteriores
		O Fondo Galego coas vítimas do tsunami			nº 072 - 15/02/2005 nº 071 - 24/01/2005 nº 070 - 09/12/2004 nº 069 - 15/11/2004 nº 068 - 18/10/2004 nº 067 - 01/10/2004 nº 066 - 17/08/2004 nº 065 - 12/07/2004 nº 064 - 28/06/2004 nº 063 - 20/05/2004 nº 062 - 10/05/2004 nº 061 - 05/04/2004 nº 060 - 08/03/2004 nº 059 - 09/02/2004 nº 058 - 15/01/2004 ...
		Síntomas de maior identificación coa cooperación
		Xornadas do Bloque sobre cooperación descentralizada
		O Partido Popular prepara as súas xornadas sobre cooperación
		Primeiras reunións da Rede en 2005
		Misión en Cabo Verde
		Novas Publicacións
		Representación da FEGAMP e do Fondo Galego na Comisión Interterritorial
		O Fondo Galego na web da FEGAMP
		Mapa de socios do Fondo Galego

O Fondo Galego coas vítimas do tsunami

Dende o inicio mesmo da traxedia en Asia, o Fondo Galego adiantou a súa convicción de que, non existindo capacidade para responder en situación de emerxencia, o compromiso da solidariedade galega en xeral e do municipalismo en particular, debía orientarse a garantir a actuación posterior, cando as vítimas deixaran paso nos informativos a outras realidades e cando o esquecemento rodee a súa traxedia. Numerosos concellos e deputacións de Galicia, numerosos traballadores da función pública local, cidadáns a titulo individual e colectivos veciñais e sociais, comprenderon e apoiaron esta opción, entendemos que a mais realista, e fixeron contribucións que aínda hoxe mesmo están a medrar, para que a nosa solidariedade servise, na medida do posible, a un dobre obxectivo: reconstrución da zona e prevención de futuros cataclismos como o vivido. O Fondo Galego está a traballar neste momento na primeira dirección, unindo o seu esforzo ao doutros Fondos existentes en España e outros colectivos. O PNUD, Programa de Nacións Unidas para o Desenvolvemento, en New York e en Sri Lanka están dispostos a liderar as xestións necesarias para promover un proxecto de desenvolvemento local en materia de prevención da vulnerabilidade, ambiental e social. Estase a formular unha misión de identificación na que participarán representantes do PNUD e dos Fondos de cooperación e outros socios e aliados, tanto locais como europeos.

Síntomas de maior identificación coa cooperación

Numerosos concellos asociados adiantaron xa o pago das súas achegas correspondentes ao exercicio de 2005. A día de hoxe, podemos confirmar os abonos de Caldas de Reis, Carballo, Rianxo, Rodeiro, Pontecesures, Poio, Soutomaior, Cabanas, Betanzos, Lousame e Arteixo. Constatase igualmente unha progresiva normalización das cotas en atraso que causaron en 2004 un déficit do noso balance do exercicio.

Xornadas do Bloque sobre cooperación descentralizada

O pasado sábado día 5 de marzo, o Bloque Nacionalista Galego organizou unhas xornadas de reflexión sobre a cooperación e de presentación do Fondo Galego. Nelas participaron, entre outros, Emilio Martínez, da coordinadora de ONGDs e Xulio Ríos, director do Fondo. Anxela Bugallo, secretaria de política municipal do BNG, salientou o compromiso de apostar pola sensibilización da base militante e dos cargos nacionalistas para que a solidariedade comece a figurar na axenda política local.

O Partido Popular prepara as súas xornadas sobre cooperación

Tamén o Partido Popular está a programas as súas xornadas sobre este particular, cumprindo así o compromiso que todas as forzas políticas asumiron nas Xornadas Anuais de Cooperación que celebramos o pasado novembro en Vigo. Beatriz González Loroño, deputada, coordina esta actuación, en estreito contacto coa dirección técnica do Fondo Galego.

Primeiras reunións da Rede en 2005

As reunións da rede que coordina e define as actividades e o calendario de sensibilización do Fondo Galego inícianse en Vigo o 11 de marzo, e seguirán o seu periplo por toda a nosa Comunidade nas próximas semanas. A fluidez do contacto e do coñecemento entre a Secretaría do Fondo e os concellos asociados aconsellan a participación nestas xuntanzas para reforzar os actuais vínculos. Participar no Fondo non debe significar simplemente unha transferencia económica, senón a asunción da cooperación como unha liña de traballo especifica no eido local que ten como contrapartida esencial, dar a coñecer á cidadanía esa implicación, os seus obxectivos e resultados, e para iso é fundamental desenvolver actividades para as que resulta imprescindible a identificación por parte do propio concello dos seus intereses primeiros.

Misión en Cabo Verde

A recente visita a Cabo Verde permitiu comprobar in situ a execución dos proxectos financiados nos últimos anos, intercambiar impresións cos Alcaldes dos municipios onde actuamos e definir, en colaboración coa Asociación Nacional de Municipios de Cabo Verde, as liñas básicas dun programa de actuación que pretendemos implementar nos próximos anos. A resultas da misión e dos proxectos identificados, o Fondo Galego e a Xunta de Galicia reforzarán as súas actuacións no arquipélago. Igualmente, procurase a implicación da AECI nesta estratexia e os primeiros pasos xa se deron nunha xuntanza celebrada en Madrid o pasado día 3 de marzo. Nesta nova liña de actuación tamén estudan implicarse algunhas Cámaras do veciño Portugal, con quen o Fondo estableceu contactos.

Novas Publicacións

Xa está dispoñible a edición da Declaración Programática e os Estatutos do Fondo Galego. Igualmente, a Memoria correspondente ás actividades desenvolvidas en 2004, e a declaración do Parlamento Galego en apoio ós obxectivos do Milenio. Outras publicacións sumaranse en breve ó catálogo informativo do Fondo Galego para que todos os asociados dispoñan do material básico para poder dar conta á cidadanía do sentido, orientación e intereses que xestiona esta entidade.

Representación da FEGAMP e do Fondo Galego na Comisión Interterritorial

Finalmente, serán a Deputación de Pontevedra e os concellos de Arteixo, Allariz e Lugo, todos eles integrantes da Comisión executiva do Fondo, os que representarán á Fegamp na Comisión Interterritorial de Cooperación que reúne as diferentes administracións que en Galicia xestionan políticas de cooperación internacional. Ademais, o Fondo estará representado polo seu Presidente e o Secretario. Este organismo vaise constituír proximamente, con toda probabilidade neste mes de marzo.

O Fondo Galego na web da FEGAMP

Os contidos que en materia de cooperación e solidariedade internacional incorpore a nova web da FEGAMP, www.fegamp.es, serán facilitados polo Fondo Galego, reforzando así a vinculación existente entre ambas entidades que xa acordaron tamén actualizar as súas relacións a través dun novo convenio.

Mapa de socios do Fondo Galego

A Coruña Lugo Ourense Pontevedra Deputación Guitiriz Deputación Deputación A Coruña Lugo Allariz A Cañiza A Pobra do Caramiñal Mondoñedo O Barco A Estrada Ames Monforte O Irixo A Guarda Arteixo Samos Ourense Baiona As Pontes Sarria Ribadavia Bueu Bergondo   Vilar de Santos Caldas de Reis Betanzos     Cangas Boiro     Cuntis Brión     Gondomar Cabanas     Moaña Cambre     Mos Carballo     Nigrán Carral     O Porriño Cedeira     O Rosal Cerceda     Poio Culleredo     Pontecesures Fene     Pontevedra Ferrol     Redondela Lousame     Rodeiro Mugardos - - Soutomaior Narón - - Vigo Neda     Vilagarcía de Arousa Noia - Oleiros Outes Pontedeume Porto do Son Rianxo Sada Santiago

Números anteriores: ... 057 / 056 / 055 / 054 / 053 / 052 / 051 / 050 / 049 / 048 / 047 / 046 / 045 / 044 / 043 / 042 / 041 / 040 / 039 / 038 / 037 / 036 / 035 / 034 / 033 / 032 / 031 / 030 / 029 / 028 / 027 / 026 / 025 / 024 / 023 / 022 / 021 / 020 / 019 / 018 / 017 / 016 / 015 / 014 / 013 / 012 / 011 / 010 / 009 / 008 / 007 / 006 / 005 / 004 / 003 / 002 / 001

Instituto Galego de Análise e Documentación Internacional www.igadi.org ÚLTIMA REVISIÓN: 21/03/2005 Fernando Pol