Número 72 - 15 de febreiro de 2005

Sumario				Núm anteriores
		Converxencia de criterios Xunta de Galicia - Fondo Galego			nº 071 - 24/01/2005 nº 070 - 09/12/2004 nº 069 - 15/11/2004 nº 068 - 18/10/2004 nº 067 - 01/10/2004 nº 066 - 17/08/2004 nº 065 - 12/07/2004 nº 064 - 28/06/2004 nº 063 - 20/05/2004 nº 062 - 10/05/2004 nº 061 - 05/04/2004 nº 060 - 08/03/2004 nº 059 - 09/02/2004 nº 058 - 15/01/2004 ...
		Constitución dos órganos de consulta e participación
		Convocatoria de Proxectos 2005
		Plan de actuación con Cabo Verde
		Xornadas do BNG
		Dez anos da Confederación de Fondos
		Fegamp - Fondo
		Contribucións económicas de 2005
		Programa Vacacións en Paz
		Mapa de socios do Fondo Galego

Converxencia de criterios Xunta de Galicia - Fondo Galego

Na xuntanza que mantivo unha representación da Comisión Executiva do Fondo Galego coa Secretaría Xeral de Relacións coa UE e Cooperación Exterior da Xunta de Galicia, constatouse unha similitude de criterios á hora de diagnosticar o momento da cooperación en Galicia e de definir as principais liñas de actuación inmediatas. Jesús Gamallo, titular da Secretaría, expresou a súa satisfacción pola liña de cooperación existente co Fondo Galego, que este ano ascenderá a unha aportación diversificada por valor de 275.000 euros e que, sectorialmente, tenderá a incidir no fortalecemento das capacidades institucionais nos países do Sur no eido local, no que o Fondo pode aportar a súa experiencia. Alfredo Novoa, presidente do Fondo, destacou a coincidencia de criterios, expresada na identificación cos vectores básicos da proposta de Plan Director da Cooperación Galega, que ven a resumir cinco anos de traballo conxunto entre as administracións locais e autonómicas, valorando, no noso caso, a comprensión que dende o primeiro momento, a Xunta de Galicia, expresou pola necesidade de fortalecer a rede de municipios como resposta á necesidade de buscar unha maior eficiencia para a nosa cooperación. Ambas partes, ademais, sinalaron a coincidencia plena para establecer un mecanismo coordinador das emerxencias, que reúna, ante situacións de crise, aos principais actores e de forma automática, para enviar unha única mensaxe á nosa sociedade e robustecer así, no plano institucional, a unanimidade que se manifesta no ámbito social. Na xuntanza participaron Jesús Gamallo e Pilar Romero, en representación da Xunta de Galicia. Por parte do Fondo, asistiron Alfredo Novoa, Xosé María Permui, Aurora Carbajal, Ramón Bouzas e Xulio Ríos.

Constitución dos órganos de consulta e participación

A Comisión Executiva do Fondo Galego acordou designar como representantes do Fondo na Comisión Interterritorial a Alfredo Novoa e Xulio Ríos, presidente e secretario, respectivamente. Para o Consello Galego de Cooperación ó Desenvolvemento, o designado foi Xulio Ríos.

Convocatoria de Proxectos 2005

Ata o 30 de abril poderán presentarse os proxectos para esta convocatoria. As Bases foron aprobadas previa convocatoria do Consello Municipalista da Cooperación e poden consultarse na páxina web do Igadi (www.igadi.org/fondo).

Plan de actuación con Cabo Verde

Unha delegación do Fondo Galego entrevistarase coa Asociación Nacional de Municipios de Cabo Verde, a fin de establecer as pautas e mecanismos para desenvolver unha cooperación conxunta e a medio prazo que responda de mellor forma ás principais necesidades dos municipios do arquipélago, que teña a conveniencia de concentrar as actuacións e formulalas de xeito integral.

Xornadas do BNG

O BNG convocou para o 5 de marzo unhas xornadas sobre cooperación municipal internacional dirixidas aos seus cargos electos no ámbito local para reforzar o compromiso coa cooperación internacional ó desenvolvemento. A iniciativa conta co apoio e a participación do Fondo Galego. O Partido Popular, como xa fixo o Partido Socialista, tamén está a programar unha actividade similar. Estas propostas resultan das conclusións das Xornadas Anuais de Cooperación celebradas en Vigo o novembro de 2004.

Dez anos da Confederación de Fondos

O 19 de setembro, todos os Fondos reuniranse para festexar os dez anos da creación da Confederación de Fondos. Reunida en Menorca no pasado día 3 de febreiro, este foi un dos seus acordos. Nesa xuntanza tamén se abordou, entre outros asuntos, a participación na Comisión Interterritorial do Estado, as relacións coa AECI, a comparecencia na Comisión de Desenvolvemento e Cooperación da Unión Europea, as relacións internacionais (V Foro Internacional da Alianza Mundial de Cidades contra a Pobreza, Solidariedade con Palestina, Foro de Autoridades Locais de Porto Alegre, Foro Social Mediterráneo), o seguimento do proceso de xestación de novos Fondos (Asturias, Castela e León), a política de publicacións e a necesidade de mellorar a comunicación e a visibilidade xeral dos Fondos. Así mesmo, aprobouse a Memoria do 2004, o balance económico e o plan de traballo e orzamento para 2005.

Fegamp - Fondo

Nunha entrevista mantida co vicepresidente da Fegamp e alcalde de A Pontenova (Lugo), Enrique Fernández González, acordouse acelerar o proceso de actualización do convenio que o Fondo ten coa Fegamp dende o ano 1998, na liña de reforzar a súa condición como axencia municipal da cooperación. Igualmente, se intercambiaron impresións sobre as designacións para os representantes locais na Comisión Interterritorial galega, e a necesidade de perfeccionar a comunicación entre o Fondo e a Fegamp, especialmente ante situacións de crise como a acontecida en Asia recentemente.

Contribucións económicas de 2005

Xa foron cursados os recibos das cuotas mínimas obrigatorias para 2005. Na liña do expresado na Asemblea do 21 de xaneiro, encarécese de todos os asociados unha análise a conciencia do seu compromiso coa cooperación e sobre a necesidade de apostar en maior medida polo Fondo Galego. A espontaneidade con que moitas entidades locais decidiron contribuír economicamente a paliar os efectos do desastre en Asia, evidencian as posibilidades dunha maior implicación que sen dúbida poderá ser máis eficiente se somos quen de canalizala de forma cooperativa a través do Fondo, reforzando, en paralelo, o eido local como especialmente idóneo para a sensibilización.

Programa Vacacións en Paz

Unha proposta de catro puntos foi cursada a todos os asociados para aproximar posturas en relación á continuidade ou non deste programa, garantindo en todo caso a permanencia da solidariedade de Galicia co pobo saharauí. A proposta é consecuencia da reunión mantida coa Delegación Saharauí en Galicia no pasado 29 de decembro de 2004 na sede da Fegamp, co criterio de abrir o programa ao conxunto da sociedade galega. Trátase de procurar garantir a participación de familias novas e de que os nenos acollidos sexan da máis curta idade e acollidos por primeira vez, coa excepción daqueles que presenten un expediente médico que requira de atención continuada. Na xuntanza citada, a representante saharauí comprometeuse a visitar os campamentos para garantir a renovación do programa e asegurar tamén que a solidariedade se exprese co conxunto do pobo saharauí e non con familias concretas de forma reiterada.

Mapa de socios do Fondo Galego

A Coruña Lugo Ourense Pontevedra Deputación Guitiriz Deputación Deputación A Coruña Lugo Allariz A Cañiza A Pobra do Caramiñal Mondoñedo O Barco A Estrada Ames Monforte O Irixo A Guarda Arteixo Samos Ourense Baiona As Pontes Sarria Ribadavia Bueu Bergondo   Vilar de Santos Caldas de Reis Betanzos     Cangas Boiro     Cuntis Brión     Gondomar Cabanas     Moaña Cambre     Mos Carballo     Nigrán Carral     O Porriño Cedeira     O Rosal Cerceda     Poio Culleredo     Pontecesures Fene     Pontevedra Ferrol     Redondela Lousame     Rodeiro Mugardos - - Soutomaior Narón - - Vigo Neda     Vilagarcía de Arousa Noia - Oleiros Outes Pontedeume Porto do Son Rianxo Sada Santiago

Números anteriores: ... 057 / 056 / 055 / 054 / 053 / 052 / 051 / 050 / 049 / 048 / 047 / 046 / 045 / 044 / 043 / 042 / 041 / 040 / 039 / 038 / 037 / 036 / 035 / 034 / 033 / 032 / 031 / 030 / 029 / 028 / 027 / 026 / 025 / 024 / 023 / 022 / 021 / 020 / 019 / 018 / 017 / 016 / 015 / 014 / 013 / 012 / 011 / 010 / 009 / 008 / 007 / 006 / 005 / 004 / 003 / 002 / 001

Instituto Galego de Análise e Documentación Internacional www.igadi.org ÚLTIMA REVISIÓN: 15/02/2005 Fernando Pol