Número 53 - 15 de setembro de 2003

Sumario				Núm anteriores
		Asemblea o 10 de outubro			nº 052 - 14/07/2003 nº 051 - 22/06/2003 nº 050 - 26/05/2003 nº 049 - 12/04/2003 nº 048 - 10/03/2003 nº 047 - 10/02/2003 nº 046 - 13/01/2003 nº 045 - 16/12/2002 044 / 043 / 042 / 041 040 / 039 / 038 / 037 036 / 035 / 034 / 033 032 / 031 / 030 / 029 028 / 027 / 026 / 025 024 / 023 / 022 / 021 020 / 019 / 018 / 017 016 / 015 / 014 / 013 012 / 011 / 010 / 009 008 / 007 / 006 / 005 004 / 003 / 002 / 001
		Acelerar as designacións
		Misión a Santiago de Cuba
		A formación da rede
		Foro Informal da Cooperación
		Reunión co PSdG-PSOE
		Mapa de socios do Fondo Galego

Asemblea o 10 de outubro

A Asemblea do Fondo que celebraremos o próximo día 10 de outubro en Santiago, na sede da FEGAMP, terá carácter ordinario, pero os seus contados serán de naturaleza extraordinaria. Sobresaen dous aspectos. En primeiro lugar, a renovación da actual Comisión Executiva que ven funcionando dende 1999. A renovación obedece a un mandato estatutario que obriga a unha nova elección despois de cada proceso electoral municipal. A Comisión Executiva actual, en funcións, delegou na Secretaría para facer os contactos e xestións oportunas a fin de que a proposta final conxugue os diferentes criterios básicos para a súa confección: representación das catro provincias, de deputacións e concellos, de cidades e vilas medianas e pequenas e, naturalmente, de todas as forzas políticas con presencia no municipalismo, de forma equilibrada. O outro asunto importante da orde do día será a actualización das cotas dos asociados, aspecto que deberiamos ter en conta no proceso de elaboración dos Orzamentos do 2004, en marcha xa en numerosos concellos. As cotas actuais son as mesmas do momento inicial do Fondo, hai xa 6 anos. Cómpre a súa adaptación ao euro, eliminando, na medida do posible, as fraccións, e actualizando igualmente a aportación por habitante (daquela 2 pesetas por habitante). A proposta xira arredor de 0,03 euros por habitante máis un lixeiro axuste no importe de cada franxa poboacional. Os dous temas son de transcendencia e a Asemblea o será todo menos de trámite.

Acelerar as designacións

Son moitos os asociados que xa enviaron comunicación á Secretaría da designación do seu representante ante o Fondo. É unha formalidade administrativa importante agora que comeza unha nova lexislatura. Deste xeito, a información do Fondo chegará a quen deba chegar. Úrxese, pois, a todos, para que antes da Asemblea cumprimenten este requisito.

Misión a Santiago de Cuba

O Fondo Galego, en colaboración coa Xunta de Galicia e o Concello de Santiago, ven impulsando dende hai tres anos o proxecto de elaboración do Plan Maestro para a revitalización da cidade histórica de Santiago de Cuba. Trátase do proxecto de maior envergadura que impulsamos. Pasado o ecuador temporal da súa realización, aproveitando a realización dun Seminario internacional na cidade cubana arredor deste tema e a inauguración dunha exposición alusiva, que será posteriormente trasladada a Galicia e a outras capitais americanas, a Comisión Executiva considerou de interese trasladar unha Misión in situ para analizar coas autoridades e os técnicos locais a marcha do proxecto, as súas dificultades e perspectivas. Nesta misión se procurará a presencia de representantes dos tres financiadores.

A formación da rede

Constituídas as novas Corporacións Locais, o proceso de formación da rede de empregados públicos interesados na cooperación está en marcha. Dende primeiros de setembro se veñen efectuando visitas a numerosos concellos, comezando pola provincia de Pontevedra, iniciativa que se aproveita para tomar contactos cos novos alcaldes e equipos de goberno a fin de intercambiar impresións sobre o estado deste asunto na respectiva localidade. A acollida é excelente, o proceso avanza a bo ritmo e as suxestións son moitas para, sobre todo, impulsar medidas en materia de sensibilización, a fin de implicar en maior grao ao conxunto da cidadanía.

Foro Informal da Cooperación

A aprobación da Lei galega de cooperación internacional ao desenvolvemento establece un antes e un despois nesta materia na nosa Comunidade. É o momento do IMPULSO e debe ser resultado dun esforzo mancomunado: traballando todos na mesma dirección. Os obxectivos deste Foro, que propón o Fondo, son: Xerar un marco estable para o intercambio de pareceres entre os diferentes actores (Xunta de Galicia, Ad Local, ONGs, Universidades) a partir da identificación de obstáculos e proposta de alternativas. Intercambiar puntos de vista sobre o momento presente da cooperación en Galicia. Adiantar pautas de orientación futura que reforzan a cooperación. Os invitados a participar serían representantes da Coordinadora de ONGDs, da Xunta de Galicia, das universidades e do propio Fondo. De naturaleza informal, permitiría abordar de maneira distendida pero rigorosa os principias problemas da cooperación galega, definindo prioridades e liñas de futuro consensuadas entre os principias actores. Está proposta xa foi trasladada ás diferentes partes e se agarda unha desposta positiva.

Reunión co PSdG-PSOE

Unha delegación da Comisión Executiva do Fondo Galego se entrevistou o pasado día 10 de setembro con representantes da dirección do PSdG-PSOE, Antón Louro e Francisco Candela, a fin de intercambiar impresións sobre o estado da cooperación en xeral en Galicia e sobre todo da municipal, a fin de situarnos no novo marco político (lei de cooperación aprobada, novos gobernos municipais) e definir medidas de impulso que aseguren un cambio substancial no actual estado de cousas. Así mesmo se explicou o momento en que se atopa o Fondo, en particular en relación á próxima Asemblea de socios do 10 de outubro en Santiago de Compostela. Os representantes do PSdG-PSOE expresaron o seu apoio a esta iniciativa, comprometéndose a trasladar aos seus concelleiros e alcaldes a preocupación pola cooperación e a necesidade de integrarse no Fondo. Así mesmo, en próximas xornadas de política municipal organizadas por esta formación se procurará incluír este aspecto para ser tratado. A xuntanza discorreu nun clima de total cordialidade e comprensión quedando abertos os canais de comunicación entre ambas entidades, a sabendas de que ambas comparten unha idéntica preocupación polo fomento da cooperación internacional ao desenvolvemento no ámbito local. No pasado mes de xullo, Anxo Quíntana, do BNG, se reuniu coa Comisión Executiva do Fondo, para expresar o seu apoio na nova andaina. En próximas semanas, se prevé un encontro con representantes do Partido Popular de Galicia.

Mapa de socios do Fondo Galego

A Coruña Lugo Ourense Pontevedra Deputación Lugo Deputación Deputación A Coruña Mondoñedo Allariz A Cañiza A Pobra do Caramiñal Samos Ferrol A Estrada As Pontes Sarria O Barco A Guarda Arteixo   O Irixo Baiona Bergondo   Ourense Bueu Betanzos   Vilar de Santos Cangas Boiro     Cuntis Brión     Gondomar Cabanas     Moaña Carral     Nigrán Cedeira     O Porriño Cerceda     O Rosal Culleredo     Poio Fene     Pontecesures Ferrol - - Pontevedra Lousame - - Redondela Mugardos     Rodeiro Narón - - Soutomaior Neda - - Vigo Noia - - Vilagarcía de Arousa Oleiros - Outes Pontedeume Porto do Son Rianxo Santiago Vimianzo

Instituto Galego de Análise e Documentación Internacional www.igadi.org ÚLTIMA REVISIÓN: 14/09/2003 Fernando Pol