Número 47 - 10 de febreiro de 2003

Sumario				Núm anteriores
		Principia a convocatoria de 2003 para proxectos de cooperación			nº 046 - 13/01/2003 nº 045 - 16/12/2002 nº 044 - 07/10/2002 nº 043 - 02/09/2002 nº 042 - 28/06/2002 nº 041 - 03/06/2002 037 / 038 / 039 / 040 036 / 035 / 034 / 033 032 / 031 / 030 / 029 028 / 027 / 026 / 025 024 / 023 / 022 / 021 020 / 019 / 018 / 017 016 / 015 / 014 / 013 012 / 011 / 010 / 009 008 / 007 / 006 / 005 004 / 003 / 002 / 001
		Mellorar os Irmanamentos
		O Fondo e a Axencia Española de Cooperación Internacional
		Novo impulso, máis socios
		A Confederación reuniuse en Eivissa (Ibiza)
		Mapa de socios do Fondo Galego

Principia a convocatoria de 2003 para proxectos de cooperación

Practicamente en pleno, a Comisión Executiva reuniuse o pasado día 5 de febreiro co Consello Municipalista de Cooperación para intercambiar pareceres sobre o momento da cooperación local en Galicia, a campaña do 0,7% e as Bases da Convocatoria de Proxectos de 2003. Nesta xuntanza participaron, ademais da Coordinadora galega de ONGDs, representantes de Inti, Intermón, InteRed, Fundai e Farmacéuticos Mundi. Na exposición introductoria se fixo fincapé no salto producido en 2002 na cooperación municipalista, non soamente a través da xestión de máis recursos, senón clarificando o nivel de compromiso dos concellos e deputacións de Galicia co Fondo. Aínda que non á velocidade desexable, medra a sensibilidade local e, en consecuencia, se perfeccionan os ámbitos de xestión e de coordinación. A pesar desa mellora, en 2003, por mor da convocatoria electoral, parece aconsellable moderar o ritmo da convocatoria de proxectos, de xeito que a resolución da mesma realizarase con posterioridade á celebración dos comicios. Por outra banda, en canto á proposta de cambios a introducir nas Bases da Convocatoria para o financiamento de proxectos 2003, a conformidade dos asistentes foi plena, elevándose agora á Comisión Executiva para a súa aprobación definitiva na xuntanza que celebrará en Santiago o próximo 6 de marzo. O prazo para a presentación de proxectos comeza ao día seguinte e pecharase o 5 de maio. A propósito da campaña do 0,7%, que o Fondo Galego apoia, se precisa a necesidade de aclarar que as partidas afectadas son os Capítulos I, II e III dos orzamentos municipais, non a súa totalidade. Por outra banda, o Fondo se brinda para colaborar coa Coordinadora no impulso de accións sociais que evidencien un maior compromiso político con este tema. Proponse a sinatura dun manifesto conxunto das principais forzas políticas. Igualmente se informa das xestións realizadas cos partidos para incluír a dimensión da cooperación nos respectivos programas municipais.

Mellorar os Irmanamentos

Os irmanamentos constitúen un referente práctico insoslaiable da proxección exterior dos nosos municipios cunha casuística moi ampla que nos alerta sobre unha naturaleza complexa e rica en matices que debe ser coñecida e valorada polos responsables políticos e o persoal técnico a fin de mellorar un funcionamento, particularmente xeneroso en eficiencia para evitar que socialmente sexa incomprendido e denostado. Por iso mesmo, o Fondo Galego, en colaboración coa Xunta de Galicia e a FEGAMP levou a cabo unha investigación sobre este tema que agora é a plataforma de discusión e de traballo cos afectados. Nesa liña, a finais de febreiro celebraremos en Ourense e co apoio da Deputación Provincial un seminario de traballo que se propón os seguintes obxectivos: a) Adquirir uns coñecementos elementais sobre a problemática dos irmanamentos, os seus antecedentes, a súa orixe, tipoloxía e evolución. b) Analizar os protocolos de irmanamento: os seus principios inspiradores, obxectivos e actividades. c) Afondar no funcionamento dos irmanamentos en Galicia, con especial atención á participación cidadá nestas iniciativas. d) Intercambiar puntos de vista e dar conta das experiencias vividas. e) Aportar ideas e propostas de dinamización. Os seus destinatarios son responsables políticos locais e personal técnico dos concellos con irmanamentos aprobados, inactivos, en funcionamento ou en preparación. Na provincia de Ourense serían os seguintes: Xinzo de Limia, Ourense, Allariz, Beade, Celanova, O Irixo, Monterrei, Poboa de Trives, A Rúa, Verín, e a Mancomunidade O Carballiño. O Seminario se propón cunha dinámica aberta e participativa de xeito que á par dos elementos introductorios se fomente o intercambio de ideas e de experiencias atendendo ás posibilidades concretas de acadar unha mellora significativa dos irmanamentos vixentes. Está previsto que o Seminario se celebre nas catro provincias galegas. A seguir de Ourense, será o momento de Pontevedra.

O Fondo e a Axencia Española de Cooperación Internacional

Sabido é que o Fondo Galego participa de pleno dereito na Comisión Interterritorial de Cooperación Internacional, que coordina o Ministerio de Asuntos Exteriores a través da AECI. Temos así unha oportunidade de primeira man para seguir e avaliar as principais políticas da cooperación española. Un paso máis se deu a finais de decembro último cando se materializou un primeiro encontro de traballo para definir o marco de colaboración entre o Fondo e a AECI. O próximo 18 de febreiro, nunha xuntanza a celebrar cos responsables da área de cooperación con África, poderán perfilarse as principais actuacións a contemplar tanto na orde territorial como sectorial, de xeito que o Fondo Galego incremente substancialmente a súa participación e compromiso neste ámbito, singularizando a nosa aportación, estreitamente ligada ao feito lusófono que culturalmente nos é tan próximo.

Novo impulso, máis socios

Queremos dar un derradeiro impulso ao aumento da nosa base asociativa. Antes de que remate a actual lexislatura e entremos en plena voráxine electoral, dende a Comisión Executiva estimularemos un último esforzo para incrementar o número de socios. Contamos para iso cos xa existentes.

A Confederación reuniuse en Eivissa (Ibiza)

Coa participación dunha representación galega (presidente e tesoureiro do Fondo, Alfredo Novoa e Xosé María Permui), a Asemblea anual da Confederación de Fondos reuniuse na illa balear de Eivissa para tratar entre outros asuntos: o balance de 2002 e o plan de traballo para 2003, a aprobación dun proxecto de incidencia na Unión Europea, a posta en marcha dunha páxina web e dun Observatorio da cooperación descentralizada, así como a evolución das relacións coa Axencia Española de Cooperación Internacional (AECI) e a posible creación de novos Fondos en Murcia, Aragón, Asturias e Castilla-La Mancha.

Mapa de socios do Fondo Galego

A Coruña Lugo Ourense Pontevedra Deputación Lugo Deputación Deputación A Coruña Mondoñedo Allariz A Cañiza A Pobra do Caramiñal Samos Ferrol A Estrada As Pontes Sarria O Barco A Guarda Arteixo   O Irixo Baiona Bergondo   Ourense Bueu Betanzos   Vilar de Santos Cangas Boiro     Cuntis Brión     Gondomar Cabanas     Moaña Carral     Nigrán Cedeira     O Porriño Cerceda     O Rosal Culleredo     Poio Fene     Pontecesures Ferrol - - Pontevedra Lousame - - Redondela Mugardos     Rodeiro Narón - - Soutomaior Neda - - Vigo Noia - - Vilagarcía de Arousa Oleiros - Outes Pontedeume Porto do Son Rianxo Santiago Vimianzo

Instituto Galego de Análise e Documentación Internacional www.igadi.org ÚLTIMA REVISIÓN: 10/02/2003