Número 43 - 2 de setembro de 2002

Sumario				Núm anteriores
		A Comisión Executiva do Fondo Galego reuniuse co presidente Fraga			nº 042 - 28/06/2002 nº 041 - 03/06/2002 nº 040 - 22/05/2002 nº 039 - 01/05/2002 nº 038 - 09/04/2002 nº 037 - 18/03/2002 036 / 035 / 034 / 033 032 / 031 / 030 / 029 028 / 027 / 026 / 025 024 / 023 / 022 / 021 020 / 019 / 018 / 017 016 / 015 / 014 / 013 012 / 011 / 010 / 009 008 / 007 / 006 / 005 004 / 003 / 002 / 001
		Curso de capacitación en cooperación ao desenvolvemento
		Visita de INPRHU-SOMOTO
		Proxectos en execución en Cabo Verde
		Irmanamentos
		Sesión especial conmemorativa, comprometidos coa cooperación
		Mapa de socios do Fondo Galego

A Comisión Executiva do Fondo Galego reuniuse co presidente Fraga

Recepción do presidente da Xunta de Galicia á Comisión Executiva do Fondo Galego de Cooperación e Solidariedade (Santiago de Compostela, 19 de xullo de 2002).   En presencia do conselleiro de Emigración e Cooperación Exterior, Aurelio Miras, o presidente da Xunta de Galicia expresou a súa ledicia pola consolidación do Fondo Galego, un instrumento, dixo, que fai máis eficaz a cooperación dende os concellos e permite coordinar máis e mellor estas actuacións coas que desenvolve a propia Xunta de Galicia. Precisamente, o conselleiro Miras Portugal revalidou o compromiso cos obxectivos do Fondo que se concreta xa en numerosas actuacións conxuntas e que terá nos próximos anos mecanismos e estimulos renovados que contempla a propia Lei galega de cooperación ao desenvolvemento, que vai ser remitida ao Parlamento despois de ser discutido o anteproxecto cos principais actores sociais. Pola súa banda, Alfredo Novoa, presidente do Fondo Galego, salientou o positivo balance destes cinco anos de traballo nos que se foron incrementando os socios e os recursos, un ascenso que evidencia unha sensibilidade cada vez maior do municipalismo galego arredor dos problemas da cooperación e do desenvolvemento cos países do Sur. Alfredo Novoa, que agradeceu o apoio do presidente da Xunta de Galicia expresado por carta ao pouco de fundarse o Fondo, quiso transmitir a Manuel Fraga, en nome de toda a Executiva e de todo o Fondo, a satisfacción polo feito e a firme vontade de perseverar nesta vía. O presidente Fraga foi convidado a presidir unha Sesión especial conmemorativa do Quinto Aniversario do Fondo Galego de Cooperación que se celebrará a finais de outubro ou primeiros de novembro.

Curso de capacitación en cooperación ao desenvolvemento

Desenvolverase entre os días 23 de setembro e 25 de outubro en Santiago de Compostela e cos seguintes obxectivos: 1. Mellorar e intensificar a profesionalización dos actores e xestores da cooperación ao desenvolvemento. 2. Proporcionar unha formación multidisciplinar, potenciando a adopción dunha perspectiva global que aglutine tanto as reflexións académicas como as experiencias prácticas. 3. Estimular a concienciación pública coa fin de responder con maior eficacia, solidariedade e compromiso ás crecentes demandas nesta materia. Os destinatarios preferentes desta iniciativa son: funcionarios das administracións autonómica e municipal, asi como persoal de organizacións non gobernamentais. O número de prazas está limitado a 25 persoas. Chegado o caso realizaríase unha preselección de candidatos, a fin de asegurar un equilibrio na participación dos colectivos citados e primando a orde de inscrición. A matricula pecharase unha semana antes do inicio do curso, previsto inicialmente para o 23 de setembro. O programa ten unha duración de 100 horas. As sesións terán lugar de luns a venres, en horario de tarde e cunha duración de catro horas diarias. A asistencia ás clases é obrigatoria. Entregarase certificado de asistencia. Máis información na web: www.igadi.org, en info@igadi.org ou na Secretaría do Fondo: 986 357238.

Visita de INPRHU-SOMOTO

Unha delegación do Instituto de Promoción Humana Somoto, de Nicaragua, visitará Galicia nos primeiros días de outubro para analizar co Fondo Galego as posibilidades de iniciar unha cooperación froitífera na implementación de estratexias de reducción da pobreza neste país. INPRHU-SOMOTO é o coordinador para Mesoamérica e o Caribe de MAELA, Movemento Agroecolóxico de América Latina (http://www.maela-net.org/).

Proxectos en execución en Cabo Verde

O Fondo Galego e a Cámara Municipal de San Vicente asinaron recentemente os protocolos de financiamento de dous proxectos para realizar conexións domiciliarias á rede de saneamento e de auga en Monte Sossego-Alto Bomba e Bela Vista-Pedreira, que beneficiarán a unhas duascentas familias e permitirán “combater as doenças diarreicas e contagiosas que afectam principalmente as camadas sociais mais desfavorecidas e, de uma forma geral, contribuir para a a melhoria das condições de vida das populações”. O importe total de ambos proxectos ascende a 9 millóns de escudos caboverdianos, preto de 82.000 euros, que serán financiados polo propio Fondo e a Consellería de Emigración e Cooperación Exterior.

Irmanamentos

Os irmanamentos constitúen hoxe un referente práctico insoslaiable da proxección exterior dos nosos municipios que adoece, en primeiro lugar, dun censo e rexistro público dos acordos asinados, dunha avaliación mínima da súa evolución, virtudes e carencias, e dunha concordancia mínima co acompañamento dos intereses exteriores de Galicia, de xeito que a través dos irmanamentos, Galicia poida proxectar a súa relación cos emigrantes nun ámbito tan próximo aos cidadáns como é o local e igualmente poida configurarse progresivamente un foro institucional bilateral que poida actuar como lobby en cuestións de interese mutuo. Cómpre unha aproximación avaliadora da actividade desenvolvida polos concellos de Galicia en materia de irmanamentos, con indicación do número de institucións implicadas, partenaires e ámbitos xeográficos afectados, contidos principais e evolución, e así mesmo a súa relación cos mundos da cooperación ó desenvolvemento e a presencia ou non de emigración galega nos municipios irmanados. Por último, efectuar un contraste entre a proxección obtida e os principais ámbitos de interese da acción exterior de Galicia. Ese estudio está en marcha co apoio do Fondo, da FEGAMP e da Xunta de Galicia, e executado polo IGADI.

Sesión especial conmemorativa, comprometidos coa cooperación

Unha vez que o presidente da Xunta de Galicia confirmou a súa disponibilidade para participar nesta Sesión, están en marcha os seus preparativos. Os obxectivos elementais desta iniciativa son os seguintes: Mobilizar aos nosos asociados e demáis entidades locais e provinciais arredor desta circunstancia de xeito que se facilite unha maior aproximación e identificación co proxecto. Chamar a atención de todos ás portas da elaboración dos derradeiros Orzamentos desta lexislatura para que se contemple unha partida especifica de cooperación, se aumenten as aportacións e se designe persoal específico para asumir estas tareas. Serían os tres compromisos mínimos. Sensibilizar a todos respecto da importancia deste tema de cara a telo en conta nos programas das próximas eleccións municipais.

Mapa de socios do Fondo Galego

A Coruña Lugo Ourense Pontevedra Deputación Lugo Deputación Deputación A Coruña Mondoñedo Allariz A Cañiza A Pobra do Caramiñal O Valadouro Ferrol A Estrada As Pontes Quiroga Montederramo A Guarda Arteixo Samos O Barco Baiona Bergondo Sarria O Carballiño Bueu Betanzos   O Irixo Cangas Boiro   Ourense Cuntis Brión   Vilar de Santos Gondomar Cabanas     Moaña Carral     Nigrán Cedeira     O Porriño Cerceda     O Rosal Corcubión     Poio Culleredo     Pontecesures Fene - - Pontevedra Ferrol - - Redondela Lousame     Rodeiro Mugardos - - Soutomaior Narón - - Vigo Neda - - Vilagarcía de Arousa Noia - Oleiros Outes Pontedeume Porto do Son Rianxo Santiago Vimianzo

Instituto Galego de Análise e Documentación Internacional www.igadi.org ÚLTIMA REVISIÓN: 02/09/2002