Número 37 - 18 de marzo de 2002

Sumario				Núm anteriores
		López Orozco e Branca Rodríguez: ánimo e adiante co Fondo Galego			nº 036 - 25/02/2002 nº 035 - 04/02/2002 nº 034 - 18/01/2002 nº 033 - 13/12/2001 nº 032 - 14/11/2001 nº 031 - 05/10/2001 nº 030 - 01/08/2001 nº 029 - 04/07/2001 028 / 027 / 026 / 025 024 / 023 / 022 / 021 020 / 019 / 018 / 017 016 / 015 / 014 / 013 012 / 011 / 010 / 009 008 / 007 / 006 / 005 004 / 003 / 002 / 001
		Pesar pola morte de Carlos Casares
		Sarria anímase a entrar no Fondo
		Fondo Galego e “la Caixa”
		Diálogo fluído con Cooperación Exterior
		Ponencia Técnica do Fondo
		¿Solidariedade? ¡A Fondo!
		Cooperación con Santiago de Cuba
		Cabo Verde
		Mapa de socios do Fondo Galego

López Orozco e Branca Rodríguez: ánimo e adiante co Fondo Galego

O Concello de Lugo serviu de anfitrión a unha nova xuntanza itinerante do Fondo Galego. Na recepción ofrecida polo alcalde e os portavoces dos diferentes grupos presentes na Corporación municipal constatouse a sintonía existente en todos os partidos políticos do municipalismo galego arredor da cooperación ao desenvolvemento, “conscientes das limitacións”, dixo o alcalde, López Orozco, “pero decididos a impulsar esa modesta contribución á mellora xeral da humanidade”. Pola súa banda, Branca Rodríguez, representante do Concello de Lugo no Fondo, especialmente sensibilizada coa grave situación que se está a vivir en Palestina, considerou de vital importancia o exercicio da solidariedade e destacou o labor desempeñado nese sentido polas organizacións non gobernamentais. A Comisión Executiva tivo unha vez máis a oportunidade de comprobar a importancia de manter un diálogo directo cos asociados para intercambiar puntos de vista sobre un traballo non soamente fermoso senón moi necesario, como afirmou o alcalde, e afondar nos mecanismos bilaterais de reforzamento da cooperación en Galicia.

Pesar pola morte de Carlos Casares

A Comisión Executiva do Fondo Galego expresou nun comunicado o seu pesar polo recente falecemento de Carlos Casares, presidente do Consello da Cultura Galega. O escritor ourensán colaborou co Fondo na posta en marcha das súas actividades sensibilizadoras, especialmente aquel libro, Palabras con Fondo, ao que incorporou un relato breve, Dúas miradas, e que comezaba coa letra O do noso alfabeto. Ademais, Carlos foi o autor do Bando auspiciado polo Fondo Galego para que todo asociado poida comunicar aos cidadáns o seu compromiso coa loita pola erradicación da pobreza no mundo. Sentimos, como Galicia toda, a perda de Carlos e lembraremos tanto a súa obra como o seu facer solidario.

Sarria anímase a entrar no Fondo

Na xuntanza da Comisión Executiva celebrada o 14 de marzo en Lugo, a concelleira de Cultura e Servicios Sociais de Sarria, Elena Corujo, avaliou positivamente o proxecto do Fondo Galego e anunciou a súa disposición a favorecer a próxima entrada deste Concello nesa cada vez máis ampla base representativa do Fondo.

Fondo Galego e “la Caixa”

Unha representación do Fondo Galego reuniuse recentemente con Susan S. Morales, responsable en Galicia da Fundación “la Caixa”, co propósito de intercambiar puntos de vista sobre as posibilidades de colaboración entre ambas entidades en materia de sensibilización social. En próximas datas podería concretarse esta nova vía de traballo, especialmente idónea e necesaria para mellorar a incidencia cidadá do Fondo e provocar unha maior conciencia social arredor da solidariedade e a cooperación.

Diálogo fluído con Cooperación Exterior

Avanzan a moi bo ritmo as liñas de traballo abertas coa Xunta, hoxe agrupadas nas competencias da Consellería de Emigración e Cooperación Exterior da que é titular Aurelio Miras Portugal. Tanto en materia de sensibilización como de proxectos transmitiuse ao Fondo unha disposición total para non só manter as fórmulas do pasado senón afondalas para converxer as actuacións de ambas entidades que comparten un dobre denominador común: o seu carácter público e idéntico compromiso con Galicia e a loita contra pobreza e desigualdade.

Ponencia Técnica do Fondo

Na capital lucense realizouse un balance, proxecto a proxecto, de todas as actuacións financiadas polo Fondo dende o seu nacemento, constatando o considerable volume de iniciativas impulsadas e de recursos comprometidos. A Comisión Executiva acordou reunir na Secretaría toda a documentación relativa a proxectos e as súas respectivas xustificacións e informes de contraste realizados pola Oficina de Managua da Confederación de Fondos. Por outra banda, dado que o 30 de marzo remata o prazo de presentación de proxectos na convocatoria de 2002, a Ponencia Técnica que debe proceder á súa avaliación reunirase en Baiona o próximo 5 de abril.

¿Solidariedade? ¡A Fondo!

A exposición “¿Solidariedade? ¡A Fondo!” sigue o seu percorrido por Galicia adiante. De Mugardos pasou a O Rosal e despois seguirá rumbo a O Barco de Valdeorras. Dunha punta a outra de Galicia, coa solidariedade por mensaxe e unha firme vontade de ampliar a sensibilidade da nosa cidanía sobre a importancia de cooperar aquí, entre nós mesmos, para ser máis eficaces no exterior. En suma, predicando co exemplo. Os socios interesados en solicitar a exposición deben contactar coa Secretaría do Fondo no teléfono 986 357 238.

Cooperación con Santiago de Cuba

Ademáis do intercambio formativo e a ampliación de dotación material á Oficina do Conservador da cidade de Santiago de Cuba, nos contidos da segunda fase deste importante proxecto de cooperación que impulsa e xestiona o Fondo, inclúese a elaboración de material gráfico para a realización en 2002 dunha primeira exposición sobre o patrimonio cultural da cidade histórica e a súa problemática urbanística. Esta iniciativa de difusión cultural do patrimonio santiagueiro, xunto co Diagnóstico Urbanístico do Plan Maestro, presentarase en Santiago de Cuba e, posteriormente, en Galicia, acompañada de sendos seminarios.

Cabo Verde

Outra das liñas fundamentais de actuación do Fondo Galego no inmediato refírese a Cabo Verde. Está elaborado o Proxecto de Desenvolvemento Comunitario Integral en Porto Rincao e contamos tamén con diferentes proxectos que afectan á mellora das condicións de vida e de traballo dos mariñeiros deste país. O propósito do Fondo Galego é levar adiante estes proxectos en colaboración coa Axencia Española de Cooperación Internacional e a Xunta de Galicia.

Mapa de socios do Fondo Galego

A Coruña Lugo Ourense Pontevedra A Coruña Lugo Deputación Deputación A Pobra do Caramiñal Mondoñedo Allariz A Cañiza As Pontes O Valadouro Ferrol A Estrada Ares Quiroga Montederramo A Guarda Arteixo Samos O Barco Baiona Bergondo   O Carballiño Bueu Betanzos   O Irixo Cangas Boiro   Ourense Cuntis Brión   Vilar de Santos Gondomar Cabanas     Moaña Carral     Nigrán Cedeira     O Porriño Cerceda     O Rosal Corcubión     Poio Culleredo     Pontecesures Fene - - Pontevedra Ferrol - - Redondela Lousame     Rodeiro Mugardos - - Soutomaior Narón - - Vigo Neda - - Vilagarcía de Arousa Noia - Oleiros Outes Pontedeume Porto do Son Rianxo Santiago Valdoviño Vimianzo

Instituto Galego de Análise e Documentación Internacional www.igadi.org ÚLTIMA REVISIÓN: 16/03/2002