Número 35 - 4 de febreiro de 2002

Sumario				Núm anteriores
		O Fondo tamén para Emerxencias			nº 034 - 18/01/2002 nº 033 - 13/12/2001 nº 032 - 14/11/2001 nº 031 - 05/10/2001 nº 030 - 01/08/2001 nº 029 - 04/07/2001 028 / 027 / 026 / 025 024 / 023 / 022 / 021 020 / 019 / 018 / 017 016 / 015 / 014 / 013 012 / 011 / 010 / 009 008 / 007 / 006 / 005 004 / 003 / 002 / 001
		Novo representante saharauí
		Clima de entendemento e cooperación
		Mapa de socios do Fondo Galego

O Fondo tamén para Emerxencias

Na Asemblea Xeral de socios celebrada en Santiago de Compostela o 29 de xaneiro houbo unanimidade absoluta entre os asistentes a respecto da proposta de creación dun Fondo para Emerxencias destinado a recoller as axudas extraordinarias das entidades locais e provincias de Galicia para afrontar situacións de urxencia. Na mente de todos, a situación da colectividade galega en Arxentina que atravesa momentos especialmente difíciles e que motivan numerosos acordos corporativos que non sempre atopan o doado camiño para viabilizarse. O Fondo considera que interesa coordinar todos eses impulsos, no ámbito local e coas demais administracións, moi especialmente a autonómica, a fin de gañar en eficacia e operatividade. E máis alá de Arxentina, o Fondo contará a partir de agora cunha dotación mínima inicial do dez por cento do seu orzamento para estas continxencias que se irá incrementando con achegas puntuais que se beneficiarán dun seguemento exhaustivo e contrastado co apoio do aparato administrativo do Fondo e da Confederación de Fondos. A este respecto, por parte de Rogelio Martínez, da Deputación de Ourense, destacouse a importancia de implicarse na solidariedade con Arxentina e nese sentido considera acertada a idea do Fondo para Emerxencia que debe ir acompañada dun reforzo da coordinación entre todas as entidades. José Carlos Pita, de Narón, ao igual que Modesta Anca, de Cabanas, coinciden nesa idea de reforzar a cooperación aquí para garantir o debido destino dos fondos comprometidos para este tipo de axudas. Algo no que tamén coincide Guillermo Sánchez, de Narón, convencido do positivo efecto das sinerxias que se poidan acumular e a necesidade de coordinar estas actuacións coa propia Fegamp. Despois deste intercambio de impresións, aprobouse a creación do Fondo para Emerxencias que seguindo a proposta de Rogelio Martínez darase a coñecer a todas as entidades municipais e provinciais de Galicia así como á propia Fegamp e á Xunta de Galicia. Alfredo Novoa destaca a necesidade de apretar o paso Na súa exposición ante os asistentes á Asemblea xeral de socios, Alfredo Novoa fixo fincapé no incremento dos recursos experimentado ao longo de 2001, no esforzo desenvolvido para unha maior implicación das cidades e no incremento da visibilidade pública do Fondo contando xa cun mínimo de instrumentos para achegarse á cidadanía. Salientou especialmente a necesidade de que en todas as entidades asociadas se proceda a designar a unha persoa de enlace, empregada, a fin de poder construír unha liña de fidelización do socio que sirva de ponte coa Corporación e coas sociedades locais. A todos os asociados enviouselle recentemente unha carta neste sentido que agardamos atope a debida acollida e resposta. Para o que resta de lexislatura insistiuse na necesidade de “apretar o paso”, achegando máis socios e recursos e impulsando a colaboración interinstitucional a todos os niveis. Altas e baixas Ao presentar o Informe económico, o tesoureiro, Xosé María Permui, enfatizou a necesidade de regularizar o abono das cuotas, a ser posible no primeiro cuatrimestre de cada exercicio para non dificultar o libramento das axudas para a execución de proxectos. Igualmente, a unanimidade dos socios presentes foi total á hora de urxir a clarificación daquelas entidades que non abonaron as cuotas dos últimos exercicios, procedendo, previo contacto telefónico e remisión de carta certificada, a suspender a súa afiliación ao Fondo galego. En canto ás altas, ratifícanse as recentes de Bergondo, Cuntis e Rodeiro e infórmase do inminente ingreso da Deputación de A Coruña que comunicou a existencia de consignación orzamentaria para materializar o acordo formal de adhesión. O Consello municipalista da Cooperación da o seu visto e prace ás Bases da Convocatoria de axudas ao financiamento de proxectos de 2002. Coa participación de representantes de Fundai, Interred Galicia e Intermón, analizáronse as propostas de modificación das Bases da convocatoria de 2001, aprobándose por unanimidade dos asistentes nunha xuntanza celebrada con carácter previo á Asemblea xeral de asociados. O prazo para a presentación de proxectos que se abrirá o próximo 20 de febreiro rematará o 29 de marzo e toda a documentación debe remitirse á Secretaría do Fondo, en Baiona, na Avenida Joselín 7, Portal 3-4ºB. Para ampliación de información: 986 357238 ou no e-mail: info@igadi.org.

Novo representante saharauí

Aproveitando a celebración da nosa Asemblea, Fatma Mohamed Salem, nova responsable da Delegación Saharauí en Galicia, ofreceunos unha radiografía da complexa situación dos campamentos de refuxiados no Sahara e as súas necesidades máis prioritarias. Por parte do noso presidente expresouselle o sentir dos socios do Fondo a propósito da solidariedade co pobo saharauí que veñen practicando dende hai algúns anos e que irá a máis agora que se agravan os problemas de subsistencia desta colectividade coa que a nosa sociedade leva dado numerosas mostras de simpatía.

Clima de entendemento e cooperación

Nun encontro mantido con Francisco Javier Álvarez Barbeito, novo director xeral de Cooperación Exterior, intercambiáronse puntos de vista a respecto da necesidade de potenciar a cooperación e a solidariedade internacional en Galicia, afondando, no que atinxe ao Fondo Galego, nas traxectorias iniciadas tanto en materia de sensibilización como de execución de proxectos. Dende o Fondo expresamos a total confianza na colaboración inter administrativa como mecanismo para impulsar e reforzar o compromiso solidario de Galicia e dos galegos e galegas.

Mapa de socios do Fondo Galego

A Coruña Lugo Ourense Pontevedra A Coruña Lugo Deputación Deputación A Pobra do Caramiñal Mondoñedo Allariz A Cañiza As Pontes O Valadouro Ferrol A Estrada Ares Quiroga Montederramo A Guarda Arteixo Samos O Barco Baiona Bergondo   O Carballiño Cangas Betanzos   O Irixo Cuntis Boiro   Ourense Gondomar Brión   Vilar de Santos Moaña Cabanas     Nigrán Carral     O Porriño Cedeira     O Rosal Cerceda     Poio Corcubión     Pontecesures Culleredo - - Pontevedra Fene - - Redondela Ferrol     Rodeiro Lousame - - Soutomaior Mugardos - - Vigo Narón - - Vilagarcía de Arousa Neda - Noia Oleiros Outes Pontedeume Porto do Son Rianxo Santiago Valdoviño Vimianzo

Instituto Galego de Análise e Documentación Internacional www.igadi.org ÚLTIMA REVISIÓN: 03/02/2002