Número 33 - 13 de decembro de 2001

Sumario				Núm anteriores
		Primeiros resultados da Declaración das Cidades			nº 032 - 14/11/2001 nº 031 - 05/10/2001 nº 030 - 01/08/2001 nº 029 - 04/07/2001 nº 028 - 24/05/2001 nº 027 - 19/04/2001 nº 026 - 26/03/2001 nº 025 - 13/03/2001 024 / 023 / 022 / 021 020 / 019 / 018 / 017 016 / 015 / 014 / 013 012 / 011 / 010 / 009 008 / 007 / 006 / 005 004 / 003 / 002 / 001
		Sensibilizar: ¡a máis!
		Reunión de técnicos en Barcelona
		Estudi de la Cooperació Local de Catalunya amb els països del Sud
		Xornadas de Voluntariado en Oleiros
		Asemblea de Socios
		Reunión do CMC
		Boas festas e Mellor 2002
		Mapa de socios do Fondo Galego

Primeiros resultados da Declaración das Cidades

Preocupado pola necesidade de obter o máximo rendemento dos recursos que destina á cooperación ó desenvolvemento, o Concello de Vigo está comprometido co propósito de impulsar aquelas prácticas que posibiliten unha maior coordinación das políticas municipalistas desenvolvidas en Galicia neste eido, compartindo coas ONGs e o conxunto da sociedade viguesa esa aspiración común á mellora da cualidade da cooperación. Nesa perspectiva, o pasado 29 de novembro asinouse na cidade olívica un Convenio de colaboración entre o Fondo e o Concello que permitirá a aplicación dos recursos económicos aportados por esta entidade a proxectos de cooperación ó desenvolvemento en países do Sur, xestionados a través da participación do Concello na convocatoria pública de axudas a proxectos e programas de cooperación que realiza o Fondo Galego. O Concello de Vigo designará a un funcionario para integrarse na Ponencia Técnica do Fondo. O importe do Convenio ascende a 12 millóns de pesetas. A sinatura deste convenio supón un novo comezo para a cooperación municipalista pois vai permitir estreitar a cooperación aquí, entre nós mesmos, para gañar en rendabilidade e eficacia nos países de destino da axuda. Santiago Domínguez, concelleiro do área no goberno municipal vigués, foi un dos principais valedores e impulsores da Declaración das Cidades asinada no pasado 5 de marzo de 2001.

Sensibilizar: ¡a máis!

Esta foi a principal conclusión da xuntanza que a Comisión Executiva do Fondo Galego celebrou en Cangas do Morrazo o pasado día 10 de decembro. O salto propiciado coa creación do Fondo debe alargarse ata implicar ao conxunto das cidadanías das entidades asociadas, alentando mecanismos e actividades de participación que garantan un progresivo incremento da conciencia social arredor da transcendencia destes compromisos. Arredor da exposición “¿Solidariedade? ¡A Fondo!” queremos organizar a presentación e distribución do vídeo, os libros, dos trípticos, das pegatinas, dos cadernos, mesmo dos programas de radio que están a emitirse na rede de emisoras municipais galegas para conseguir unha maior difusión da cooperación en Galicia. A revista-memoria do Fondo que da conta das principais actividades, proxectos e dinámicas auspiciadas nos primeiros catro anos de existencia, será unha excelente carta de presentación para esta campaña que contou para a súa elaboración co apoio da Dirección Xeral de Relacións Parlamentarias da Xunta de Galicia. En presencia do alcalde, José Enrique Sotelo Villar, o presidente do Fondo, Alfredo Novoa Gil, e demáis membros da Comisión Executiva, ofreceuse unha conferencia de prensa na que os medios de comunicación da comarca foron informados das actividades e proxectos do Fondo. Nun encontro posterior co alcalde de Bueu, Tomás Barreiro, e a súa concelleira de Servicios Sociais, logrouse o compromiso dunha próxima integración deste Concello no Fondo Galego.

Reunión de técnicos en Barcelona

Tamén o día dez reuníronse en Barcelona representantes técnicos dos diferentes Fondos existentes en España a fin de intercambiar impresións sobre o funcionamento e definir unha posta en común sobre os proxectos compartidos. Ao Fondo Galego, como a outros Fondos, interésalle especialmente o fortalecemento dos mecanismos cooperativos para gañar en proxección e experiencia. Así mesmo, concede especial importancia á actuación coordinada en relación á Axencia Española de Cooperación Internacional con quen existe a intención de asinar un convenio de colaboración para impulsar proxectos en Cabo Verde.

Estudi de la Cooperació Local de Catalunya amb els països del Sud

“A cooperación co Sur é un acto de xustiza que afecta a todas as sociedades do Norte e que debe ser impulsada dende todos os ámbitos da nosa sociedade, para avanzar cara unha nova orde internacional máis xusta”, afírmase na Presentación deste estudio, editado polo Fons Catalá e no que inclúe unha excelente radiografía sobre a situación da cooperación en Catalunya, con amplas informacións sobre a análise dos datos económicos, os irmanamentos, a acción institucional, os proxectos, etc. Son 400 páxinas que derruban un mito: o da insolidariedade dos cidadáns de Catalunya.

Xornadas de Voluntariado en Oleiros

No marco das xornadas sobre “Os novos retos da acción voluntaria e da participación cidadá”, celebradas en Oleiros os días 23 e 24 de novembro, Alfredo Novoa, presidente do Fondo, impartiu unha conferencia sobre “Cooperación internacional” seguida da presentación do vídeo: “No Fondo funciona a solidariedade”. Esta iniciativa sensibilizadora recolleu numerosos parabéns dos asistentes pola súa claridade e calidade técnica e discursiva.

Asemblea de Socios

A Asemblea ordinaria de socios do Fondo Galego celebrarase o próximo 29 de xaneiro de 2002 nas dependencias da FEGAMP, en Santiago de Compostela, a partir das doce da mañán. Nesta xuntanza efectuaremos un balance do ano que está a rematar, definindo os principais obxectivos e estratexias para o vindeiro exercicio.

Reunión do CMC

Co obxecto de iniciar os preparativos da Convocatoria de axudas do ano 2002, reunirase o Consello Municipalista da Cooperación o próximo 29 de xaneiro ás dez da mañán, nas dependencias da FEGAMP en Santiago de Compostela.

Boas festas e Mellor 2002

Mapa de socios do Fondo Galego

A Coruña Lugo Ourense Pontevedra A Coruña Lugo Deputación Deputación A Pobra do Caramiñal Mondoñedo Allariz A Cañiza As Pontes O Valadouro Ferrol A Estrada Ares Quiroga Montederramo A Guarda Arteixo Samos O Barco Baiona Betanzos   O Carballiño Cangas Boiro   O Irixo Gondomar Brión   Ourense Moaña Cabanas   Vilar de Santos Nigrán Carral     O Porriño Cedeira     O Rosal Cerceda     Poio Corcubión     Pontecesures Culleredo - - Pontevedra Fene - - Redondela Ferrol - - Soutomaior Lousame - - Vigo Mugardos - - Vilagarcía de Arousa Narón - Neda Noia Oleiros Outes Pontedeume Porto do Son Rianxo Santiago Valdoviño Vimianzo

Instituto Galego de Análise e Documentación Internacional www.igadi.org ÚLTIMA REVISIÓN: 13/12/2001