Tal e como estaba previsto, a primeira Asemblea Ordinaria de Socios do Fondo Galego celebrouse en Santiago de Compostela, na sede da FEGAMP, o 26 de marzo.

Nun clima de cordialidade e de satisfacción polos resultados desta primeira etapa de andaina, o Fondo aprobou os diferentes documentos sometidos a debate (Memoria, Informe financeiro, e Liñas de Traballo para 1999). Ademais ratificouse a alta de todos os socios, un total de 29, dende a asemblea constituínte celebrada no mes de decembro de 1997.

O número actual de socios do Fondo Galego é de 39 e o seu presuposto para 1999 ascende a 6.750.000 pesetas. Sobre esta base, constatouse que se 1998 foi un “ano longo” que se prolongou ata esta Asemblea, 1999 será un ano “curto” en razón da convocatoria electoral prevista para xuño.

Así as cousas, os esforzos da actual Comisión Executiva e de todos os socios centraranse no primeiro semestre deste ano, pois despois dos comicios, os cargos deberán ser renovados nun espacio máximo de catro meses que coincidirá coa época estival.

Para evitar a paralización, asegurar a continuidade das actividades e evitar que afecten ó Fondo as zozobras políticas adoptouse o acordo de que o IGADI (Instituto Galego de Análise e Documentación Internacional) asuma a Secretaría do Fondo.

O IGADI, que dirixe Xulio Ríos, é unha asociación sen ánimo de lucro que participa nas actividades do Fondo dende que se deron os primeiros pasos deste proxecto.

En resumidas contas, duplicar o número de socios, acadar maiores recursos económicos recurrindo tanto a fontes propias como alleas e asegurar unha maior influencia social son os retos que o Fondo se prantexa na nova etapa que agora se abre. Os socios asistentes a esta Asemblea están seguros de que son obxectivos reais e perfectamente acadables.

O pasado 27 de xaneiro a Comisión Executiva do Fondo Galego aprobaba as Bases de Financiamento de Programas de Cooperación ó Desenvolvemento e de Solidariedade correspondentes a 1999. O período de presentación de solicitudes pechouse o día 3 de marzo de 1999. Presentaronse un total de 15 proxectos, dos que 3 constitúen unha reiteración dunha solicitude xa formulada na convocatoria anterior de 1998. A Ponencia Técnica elaborou un dictame que foi sometido á consideración da Comisión Executiva nunha xuntanza celebrada o día 22 de marzo de 1999.

De conformidade cos antecedentes descritos, na Asemblea Xeral ordinaria de socios do Fondo Galego celebrada en Santiago de Compostela o día 26 de marzo de 1999, resolveuse financiar os seguintes proxectos:

1. ONG: AXUNICA
País: Nicaragua.
Presuposto: 2.284.700.
Cuantia solicitada e concedida: 2.284.700.
Resume: Construcción dun muíño para facilitalo traballo das mulleres que teñen que desprazarse para realizar estas tarefas. Pretendese a capacitación das mulleres no manexo e a posteriori ter posibilidade de comercializar o producto.

2. ONG: NATURA HISPÁNICA
País: Bolivia.
Presuposto: 6.500.000.
Cuantía solicitada e concedida: 1.000.000.
Resume: Ten por obxectivo o desenvolvemento da zona e a conservación de áreas naturais (flora e fauna autóctonas) combinando actividades compatibles coa conservación da natureza e o ecoturismo combinado co desenvolvemento de técnicas gandeiras de baixo impacto. O fin último é dispoñer dun edificio que aloxe preto de 720 visitantes ó ano. Os recursos obtidos servirán para o posterior financiamento e garante de continuidade do proxecto.

3. ONG: INTERMÓN
País: Angola.
Presuposto: 6.752.000.
Cuantía solicitada e concedida: 2.000.000.
Resume: Ampliación dunha escola e construcción de letrinas para 400 alumnos. Contemplanse accións colaterais de reciclaxe do profesorado así como a implicación dos pais na educación dos seus fillos contribuíndo a mellorar o tecido social.

4. ONG: PAZ E SOLIDARIEDADE
País: Perú.
Presuposto: 1.470.176.
Cuantía solicitada e concedida: 1.470.176.
Resume: Instalación de emisoras de radiocomunicación entre poboacións indíxenas instalando emisoras de radio e formando grupos de indíxenas para actuacións coordinadas en materia de sanidade e sobre todo de seguridade, por ser unha zona donde actúan os grupos de narcoterroristas.

Resume Proxectos:
Total importe subvencionado: 6.754.876.
Incremento de 1999 en relación a 1998: 3.922.565. (72,2%).

Santiago de Compostela, Outes, Noia, Cabanas, Valdoviño e Vimianzo, todos eles da provincia de A Coruña, son os novos socios do Fondo Galego.

Agradecemos a confianza depositada e animamos a todos aqueles que o están pensando para que se decidan a reforzar este instrumento mancomunado que nos permitirá realizar unha cooperación máis eficaz. Porque a cooperación cos que están fora comeza dentro.

A Coruña	Lugo	Ourense	Pontevedra
A Coruña	Mondoñedo	Allariz	A Cañiza
A Pobra do Caramiñal	O Valadouro	Montederramo	Baiona
Ares	Quiroga	O Irixo	Cangas
Arteixo	Samos	Ourense	Gondomar
Betanzos		Vilar de Santos	Moaña
Brión			Nigrán
Cabanas			Vigo
Corcubión
Culleredo
Fene
Lousame
Mugardos
Narón
Neda
Noia
Oleiros
Outes
Pontedeume
Porto do Son
Santiago
Valdoviño
Vimianzo